Thih Ni : Ni 2.02.2013. Zing Dar 6:30
Vui Hun : Ni 2.02.2013. 1:00 pm
A hmun : Chanmari West, Aizawl
Section : Taitesena Section
Vuitu : Upa R. Thangkima
Chhungkawaiawh thusawi : Pu Lalthlamuana ( A unaupa)
A CHANCHIN TLANGPUI:
Pu Lalmalsawma hi Pu Vanlalhruaia leh Pi Lalengzami te fa pathumna niin Ni 20th June 1979-ah Chanmari West-ah a lo piang a. An unau hi mipa pathum leh hmeichhia pakhat an ni.
A pianpui unaute:
1. Lalthlamuana Wlo Vanlalhruaii, Chanmari West
2. Lalhmachhuani Hlo C. Laltlanchhuaha, Republic
3. Lalmalsawma H/o Malsawmthangi, Chanmari West
4. Lalfakawma H/o Lalhmingmawii, Rangvamual
Pu Lalmalsawma hi a naupan lai chuan naupang ngawi chawi leh zak zum tak a ni a. A naupan lai hian a hrisellovin a unaute zingah pawh a bawrhsawm ber a ni. Lehkhathiam thei tak ni thinin Class-X thleng Greenland Higher Secondary School- ah a kal, mahse hrisellohna avangin zirna hi a chhunzawm zel thei ta lo a ni. Amah hi mi zaidam leh then leh rual ngaina mi tak niin pianpui kut themthiamna tha tak nei a ni. Electronics lam hi a tuina zawng tak niin zirna fumfe pawh nei chuanglovin Pathianin talent tha tak a pek hmangin Tape, T.v., Computer, Mobile Phone te siam in ei a zawng thin a. Tunah hian New World Computer-ah Computer Instructor hna a chelh mek bawk.
Kum 2011 khan Pi Malsawmthangi d/o Liannawla, Darzo khua nen inneiin nupa inngeih leh hlim thei tak an ni. Tunah hian an fa hmasa ber tur thla 9 mi an pai mek a ni.
A NAT DAN TLANGPUI
Kum 2012 June thla vel atang khan zun kawng tha lo avanga insawisel tanin chumi hnuah pum lam tha lo in a tlakbuak zui leh a. Doctor-te pawh vawi duailo an rawn a. Ni 1.1.2013 atang khan a natna hian zuallam panin damdawiin lam an pan ta deuh reng a. Ni. 29.1.2013 zan khan Aizawl Hospital-ah dahluh leh niin a ,natna chungchangah hian investigation lak that leh a nia, Thin thalo a ni tih hmuh chhuah belh a ni. Ni 1.2.2013 khan ICU-ah dahluh niin Doctor leh Nurse ten a nunna chhan tuma theihtawp chhuaha an beih hnuin Dt. 2/2/2013 zing dar 6:30 khan chatuan ram min lo pansan ta a ni.