Thih Ni : Ni 14.01.2013.
Vui Hun : Ni 14.01.2013. 01:00 noon
A hmun : Chanmari West, Aizawl
Section : Taitesena Section
Vuitu : Rev. K.Lalhmingliana, Bialtu Pastor
Chhungkawaiawh thusawi : P.C.Lalringliana, (A pa)
A CHANCHIN TLANGPUI
Nl. V.L. Hriatpuii hi 11th Jan. 1994 khan Pu P.C. Lalringliana leh Pi Lalpekthangi-te fa pathumna ni turin Presbyterian Hospital, Durtlang-ah a lo piang a. Gospel Centenary ni taka nau piang zingah a pahnihna ni. Sap Missionary ten an rawn tlawh a, thilpek 'Kawrlum' an pe a, tun thlengin a la kawItha nghe nghe a ni. A pianpui unaute :
i) VL.Fakhlena
ii) VL. Thlamuani
iii) VL. Hriatpuii
iv) VL. Hruaizeli
Hriatpuii hi a naupan tet atanga chhungkaw tihlimtu ber a ni a. Khawngaihna leh hmangaihna ngah tak damloh nikhua pawha nu leh pate ngaihsak ber thintu, an tana inpumpek tawp mai thin a, a nu leh pate pawn an thlamuan pui hle thin a ni. Chhungte leh mikhuallo chhawn bertu leh chhungte pawn an ngainat em em, thenrual kawm thiam tak ngaina mi tak a ni.
Hriatpuii hian Primary, Middle, High schoolleh Higher Secondary School te hi Home Mission School-ah vek a zir a, kum 2012 khan Higher hi a zo va, Civil Hospital Nursing School, Lunglei-ah GNM a zir mek a ni.
Nikum Christmas hmangturin ni 13th December, 2012 khan in lam pan in a haw phei a, chhungkuain nuam takin Christmas an hmang a ni. Tichuan kum a lo thar a, a zirnate chhunzawm leh turin a thiante nen ni 14.1.2013 hian Lungleia phei leh turin a in buatsaih a. Ni 13.1.2013 zanah chhung inkhawm neiin inah hlim takin an awm khawm a. Zing thawh hmate a ngaih dawn avangin zan pawh chu meng rei lovin tha takin an mu ta a. Mahse, a tuk khua alo vara insiam tura kaihthawh an tum chu kaih thawh theih loh in a lo awm a, hmanhmawh taka Civil Hospital Casualty panpui nghal a ni a, mahse chhan hman ani ta lo a ni.