Thih Ni : Ni 13.01.2013. 4:00 am
Vui Hun : Ni 13.01.2013. 01:00 noon
A hmun : Chanmari West, Aizawl
Section : Vanapa Section
Vuitu : Rev. B .Ropianga
Chhungkawaiawh thusawi : R.Kawlkunga, (A pa)
A CHANCHIN TLANGPUI
RK Lalzawnchhuaha (Vala tia koh) hi Pu R Kawlkunga leh Pi Vanlalruati te fa pali zinga a naupang ber dawttu ni turin, kum 1984, July ni 15 khan Republic Vengah a lo piang a. An unau upat dan indawt chu:
1) Hmingthanzauva h/o Hmingthanchami Chanmari West
2) RK Lalthlengliani w/o Zoremtluanga Mission vengthlang
3) RK Lalzawnchhuaha
4) K Lalnunhluni
Vala hi naupang pian fel tak, hrisel leh hmel sar veng vawng tak a ni a. Naupang harh vang tak a ni e ti lo chuan naupang zakzum leh inkiltawih mi tak a ni. Fiamthu a ngainain, thian kawm nuam a ti hle, mi dangte tana harsalna siam hreh mi tak a ni thin. Pathian biak inkhawm a ngaina thin hle a, naupang Sande Sikul kal rual a nihlai hian kaikim lawmman leh Sande Sikul exam lawmmantc pawh a lo dawng ve thin a ni.
Vala hian infiamna lam a ngainain thiam pawh a thiam kim viau. Football khelh nuam a tiin a thiam viau a. Mahse, a pain Table Tennis khel zawk tura a tih avangin a pa thu awihin Table Tennis lamah a rilru ape ta zawk a, a hlawhtling thawkhat hle. Mi tumruh leh luhlul tak a ni a, he a mizia hian infiamna lamah pawh hlawhtlinna a pein, a bei ngawrh hle thin. Age category hrang hrangah Mizoramah a hming lang tham khawpin a khel a, Kum 1995 khan Ajmer (Rajasthan)-ah Mizoram aiawhin Table Tennis khel hian a kal a, Kum 2009 khan Siliguri (West Bengal)-ah Mizoram aiawhin a kal bawk.
Kum 1998 vel atang khan khawvel sualna, Ruihhlo in a nun a tibuai tan a. Vala hi a kalna lamah chuan thil ti vak mai chi a nih avangin ruihhlo lamah pawh hian a tlan thuk hie. Chutih rual chuan a mizia luhlul tak chuan a tha zawnga a herpui chuan ruih hlo simin nun pangngai tak pawn a nung thei viau. Mahse rinna lama a chak loh em avangin a tlu leh fo. Amah ngei pawh hian a nundan chu hahthlak a ti thin hle, nun khawhar takin, rual pawl ngam lovin a hun hnuhnung lam phei chu a hmang ani ber mal.
A hun hnuhnung lamah hian nun beidawnna leh hrehawmnain a tlakbuak a. In chhungah a tawmim hle. Hlimna zawngin a buai a, mahse chawlhna a hmu bawk si lo. Khawhar takin Ni 13.1.2013 (Pathian ni) zing khan, chhungte pawhin a buaipui hman loh Ieh inrinlawkna pawh awm miah lovin, a hringnun zin kawng chhuk chho tak mai chu alo zawh chhuak ta a ni.