Nimin Inrinni khan kan Branch YMA chuan Aizawl Civil Hospitalah a mamawhtute tan thisen kan pe. Kumin kum tir khan Synod Hospital tan hian thisen Unit za chuang kan lo pe tawh bawk a ni. Kan veng leh kan Branch YMA hi thisen pek kawnga kan tihthat avang hian mamawh hunah thisen dawn kan awlsam phah ve thung thin a, hetianga mi tan inphal leh inpe kan awm thin hi Branch Committee pawh a lawm hle a ni. Midangte tana kan inpekna avang hian kan Branch YMA chuan chawimawina vawi duai lo a dawn phah tawh bawk a ni.
Lei tawlh leh lung rem chim vangin kan vengin harsatna kan tawk leh
Ni 11st October, 2012 a ruah sur nasa tak avanga lei tawlh leh lung rem chim chuan Chhungkaw eng emaw zat tan harsatna a thlen. Chawngbawla Section huamchhunga Pu K. darhmingthanga kawmchhak Pu P. Lalchhunga lung rem chu a chim a, a hnuaia awm Pu Dara in chu a delh chhe nual a ni. Pu Dara te in hi chen nana hman theih a nih tawh loh avangin an inhnuai luah Pu MK-a te chhungkua nen an inthiar chhuak a ni. Helai hmun thian fai hian Zirtawp zing khan Chanmari lam nen hnatlan a ni a, Nimin zing khan thawh chhunzawm leh a ni. Hetih lai hian Khuangchera Section-a Pu R. Malsawma kawmchhak pawh Ni 12.10.2012 tlai Dar 4 vel khan a tawlh a, an inhnuai chu luah theih lohin a awm bawk. Helai vel hi a metre 30 huam vel chu a khi nasa hle a, Pi Aithangi in luahte pawh an inthiar chhuak bawk. Helai chhiat tawhna hmun Pu Rothuama Branch YMA Adviser silpoulin pek hmangin khuh nghal a ni. Pi Zamanthangi Councillor chuan chhiat tawkte thingpui lum nan hian Rs 500 ve ve a pe a ni.