Tunkar chhunga Central YMA-in intihsiakna a buatsaih chi hnih - Arm Wrestling leh Cultural Dance Competition-ah Chanmari West Branch YMA chuan Lawmman ropui tak a dawng ve ve.
1st Inter-Branch YMA Arm Wrestling Champoinship-2013 September ni 3 leh ni 4-a Ramhlun Indoor Stadium-a neih zawh takah Chanmari West Branch a\angin mipa 7 leh hmeichhia 2 an tel. Hmeichhia weight category pali \hen zingah 65 Kg above ah Juliet Lalengkimi V-Sect chuan Gold medal lain category hrang hrang palia Champion \heuh te’n chak ber zawng lehin Juliet Lalengkimi chuan chak ber pahnihna a hauh leh a ni.
Mipaah Laltharliana K-Sect-chuan 65 Kg below-ah Bronze medal a la bawk. Chanmari West Branch YMA aiawha medal late leh tel zawng zawngte chungah Branch YMA-in lawmthu a sawi tak meuh.
Chief Ministers’ Running Trophy in YMA Cultural Dance Competition-2013, September ni 5 leh ni 6 a neih zawh takah Chanmari West Branch-in lam thiam ber lawmman pahnihna a dawng bawk. Sept ni 5 leh ni 6-a Chief Ministers’ Running Trophy in YMA Cultural Dance Competion, Hawla Indoor Stadium, Republic Vengthlanga neih zawh tak result chu hetiang hi a ni.
Cheraw 1 Ramthar North 2 Vaivakawn
3 Chanmari
Khuallam 1 Chanmari West 2 Ramhlun South 3 Vaivakawn
Chai 1 Ramthar North
2 Mission Vengthlang 3 Armed Veng
Heng items pathuma intihsiakna a\anga point hmuhte hi belhkhawm niin, a pumpuia result chu hetiang hi a ni.
1 Ramthar North Branch
2 Chanmari West Branch
3 Chanmari Branch
He intihsiakah hian YMA Branch 42 an tel. Chanmari West Branch YMA tan hian member 62 lamin, lam tam ber lawmman Art & Culture Director Award an dawng bawk.
He hnam lam intihsiak leh Arm Wrestling-a Branch aiawha tel leh lawmman latute zawng zawng chungah te, a \ul anga zirtirtute leh a buaipuitute chungah Branch chuan thinlung takin lawmthu a sawi a ni.