Ni 24.7.2012 (Thawhlehni) zan khan Branch YMA Executive Committee chu an meeting a, thu pawimawh hrang hrang an rel a, Central YMA-in hnam dang dan lova sumdawngte dap chhuak zel tura a ngenna chu nasa zawka bawhzui zel nise an ti.
He meeting Pu T. Ngurkhuma President kaihhruaiah hian member an kal tha vak lova, kumin YMA Day hman dan an thlir let a, section hrang hrang ten YMA Day hlim leh hlut taka an hman theih avangin lawmthu an sawi a, chhungkaw tinin tinah YMA flag an tar chu lawmawm an ti hle bawk.
Kum chanve hun hman dan ennawn a ni a, section, Sub-Committee hrang hrangten an hmalaknaah lawmawm an ti a, nasa lehzual hma la zel turin an ngen thar bawk.
YMA AW enkawltu atangin a man luh dan leh lak dan hetiang hian ngaihthlak a ni.
Taitesena - 246 - Rs.19,680 (lut kim)
Khuangchera - 201 - Rs.16,080 (lut kim)
Vanapa- 217 - Rs.17,360 (lut kim)
Neuva - 140 - Rs.11,200 (lut kim)
Chawngbawla - 202 - Rs.16,160 (lut kim)
Total Copy -1006 A man lut tawh zat hi Rs. 80,480/- a ni.
YMA Chanchinbu copy 106 lak a ni a, Chawngbawla -12,Taitesena-25, Khuangchera -30, Neuva-15, Vanapa-24 a ni a, a man la ti fel lo ten ti fel thuai turin Committee chuan a ngen.
Khuangchera Section-in kumin chhunga an Budget Rs.5000 an tlak fel chu meeting chuan lawmawm a ti hle.
Branch OB te July-September thla chhung Section-a an i/c na tur hetiang hian siam a ni.
Khuangchera- Pu R. Lalchhuanawma
Chawngbawla- Pu RL. Thanhnuna
Taitesena- Tv. Zairemmawia
Vanapa - Pu C. Lalzarliana
Neuva - Pu K. Darthantluanga