Central YMA leh Rokunga Memorial Society \angkawpin an buatsaih Inter Branch YMA Zaipawl intihsiak chu Ni 15.8.2013 (Ninga) khan tluang taka zawh a ni. He intihsiakah hian Branch 35 telin, Dam Veng Branch YMA chu pakhatna an ni.
Branch YMA Zaipawl intihsiak hi Ni 13.8.2013 (Thawhleh) khan Pu T Sangkunga, Central YMA President chuan a hawng. Intihsiak hawnna inkhawm hi Pu B Rothangliana, Chairman, Cultural Sub-Committee chuan a kaihruai a, Pu Vanneihtluanga, Rokunga Memorial Society Treasurer chuan Pu Rokunga chanchin ngaihnawm takin a sawi.
Ni 13 &14-ah Elimination round neih a ni a, Branch tinin an hla chuam leh hla dang 3 an zir a\angin pakhat \heuh an sa. Chuta \ang chuan a thiam zual Branch sawm thlan leh a ni a, chung Branch-te chu Ni 15-ah inel lehin; chuta \ang chuan result kimchang siam a ni.
Ni 15.8.2013 (Ninga) zanah Pu Lalngheta Sailo, Treasurer, Central YMA kaihhruaiin intihsiak result puan leh lawmman semna hun hman a ni. Hetiang hi result kimchang chu a ni:
1st - Dam Veng
2nd - Aizawl Venglai
3rd - Durtlang
4th - Kanan
5th - Ramthar North
6th - Ramhlun South
7th - Bungkawn
8th - Dawrpui Vengthar
9th - Lunglei Bazar veng
10th- Leitan
1-na a\anga 3-na hian Lawmman tangkafai, Trophy leh Certificate an dawng. 4-na atanga 10-nate hian $10,000 \heuh an dawng a, tin, he intihsiaka tel zawng zawng (top 10 a lang pha lo) te hian $ 5,000 \heuh an dawng bawk. Dam Veng zaipawl conductor Pu Lalpiangliana chu Conductor \ha berah thlan a ni bawk.
MIPUITE HNENA NGENNA
CWBYMA KUMPUAN SUB-COMMITTEE
1. Khawlaia hmelhriat loh Gas Cylinder pu an awm/hmuhin zawh fiah zel nise, rinhlelhawmte chu midangte punin finfiah tum hram nise.
2. Mahni chauha ina kan awmin chhung lamah kawngka kalh \hin nise, kawngkhar pawn lama kalh theih loh turin Tala khai \hin nise.
3. In nghaktu awm lova in kan chhuahsan dawn reng rengin thenawmte hriattir a, lo ngaihsakpui tura ngen \hin nise.
4. Thil sual ti kan man reng rengin Police hnena pek hmain khawtlang hruaitu / YMA hruaitute hnenah hriattir nise.
5. A theih hram chuan Inah Pawisa tam tak kawl loh hi a him.
6. Ruihhlo zuar nia hriat leh hralh mek kan hmuhin a ranglama YMA hruaitute phone emaw a hriattir vat \hin nise.
7. In a luh leh chhuah paha lak mai theihah Mobile Phone dah loh nise.
8. Tlawm taka thil zawrh hi ruk a nih duh \hin avangin lei loh hram nise. Hetiang thil tlawm taka thil zuarte hi kaltir mai lova finfiah \hin nise.