Mizorama tlawmngai pawl lian ber YMA chuan kum 77 a tling ta a, a ze pangngai pawl thianghlim a nihna leh tanpui ngaite tanpui kawngah nasa leh tha takin hma a la zel a ni. Mi inpe leh thahnemngaite avangin chak takin hma a sawn mek zel bawk.
Tunah hian YMA Branch awm zawng zawng - 789 a ni a, Group - 46 ah then a ni. YMA Sub-Headquarters - 5 a awm a, tichuan YMA member zawng zawng - 388146, Mipa - 231615 Hmeichhia - 156531 kan ni ta a ni.
YMA Sub-Headquarters panga kan nei a, chungte chu Champhai, Kolasib, Lunglei, Mamit leh Serchhip te an ni. Mizoram pawn Assam, Meghalaya, Manipur, Tripura leh Nagaland-ah te YMA Group leh Branch kan nei a. Sajek, Bangladesh-ah Branch kan nei bawk.
Kan hmunpui Central YMA Office Tuikhuahtlang, Aizawlah hian CYMA Office, YMA Press, Central
YMA Hall, YMA Khualbuk leh Free Computer Centre-te a awm a, hengte hi tangkai taka hman a ni.
Central YMA enkawl tur hian president Pu T. Sangkunga, OB mi panga leh CEC-ah mi 57, kan president Pu T. Ngurkhuma telin an awm a, an hnuaiah hian Committee peng hrang hrang a la awm bawk. Central YMA hnuaia thawktu hrang hrang hi mi 20 an awm a, Pu Malsawmdawngliana Office Superintendent / Press Manager hovin an thawk mek a ni.