Ni 17.1.2013 (Ninga) zana Chanmari West Branch YMA Executive Meeting chuan kum 2013 chhung atana Chhiatni kaihhruaina felfai takin a siam a, he kaihhruaina hi veng mipuite’n zawm hram nise tih chu Branch Committee duhdan a ni. Chhiatni kaihhruaina pawimawh zual, mipuite tana hriat tur \ulte lo tarlang ila:
CHHIATNI FUND
1) Chanmari West Local Council huamchhunga awm, chhungtin hnenah Chhiatni Fund hi Cate-gory A -` 300, B- ` 200, C -`100-a khawn tur a ni.
2) Chhiatni Fund hi Hnam dang (State pawn lam) mite hnenah mi 1-tan `100-a khawn tur a ni.
3) Chhiatni Fund hi Ramdang mi (Foreigner) leh pem lehkha nei lo te chu khawn loh tur a ni a. Chhiat an lo tawk palh a nih pawhin, a chhawrtu /inluahtirtu/anmahni an in buaipui ang.
4) Chhiatni Fund hian a daih lo a nih chuan a \ul ang zelin khawn nawn mai ni se.
5) Chhiatni Fund hi veng chhung chhiat tawhna dangah pawh a \ul dan anga hman theih a ni ang.
THLAN LAIH LEH MITTHI VUI
1) Aizawl khawpui chhunga zing dar 9:00 hmalama thi chu a ni la la in vui nise. Zing dar 9:00 hnulama thi chu lumen tur a ni.
2) Zingkarah thlan laih \hin nise, a \ul a nih chuan YMA hruaitu te’n an tidanglam thei ang.
3) Lumen ngaiah, chhun dar 12 leh lumen ngai lovah chawhnu dar 1-ah mitthi vui tur a ni a. Eng emaw laklawh thilah chuan mit-thi chhungte leh hruaitute an inrawn \hin ang.
4) Mitthi vui nan hian a remchan dan a zirin lirthei hman \hin nise.
RUANG LAK
Vengchhung mi, tupawhin hmun hran a\anga ruang a lak dawnin Local Council leh YMA hruaitute
rawn hmasak \hin tur a ni a, veng chhung mi anga sawngbawl tur a ni.
RUANG CHHUAK
1) Veng chhung emaw hmun hran a\anga ruang lak awm ngawih ngawih lak a, thawn chhuah tur a awm chuan, Branch OB-te ruang la tur te’n rawn hmasak \hin nise.
2) Kuang siamsak a \ul chuan YMA in siam sak nise.
3) Ruang latuin \ul an tih chuan YMA buaipuiin thingpui lum a ni ang a, a senso erawh chhiat tawk chhung ten an tum ang.
4) Ruang chhuak tur a awm chu-an a \ul angin hruaitute in hriattir nise.
THINGPUI LEH A HMEH
1) Veng chhungah chhiat tawk(Mitthi) an awmin,chhiat tawh a\anga thingpui (sen hang /a paw thlum) lumna leh tlangval thlanlai thingpui leh a hmeh (Chhang) leina thleng, chhiatni fund hman tur a ni.
2) Lumen ngaia chhiat tawk (Mitthi) an awmin, tlaivarte tan sawhchiar (Ar/Vawksa etc) sem \hin nise, zing dar 1:00 a.m hnulamah sem nise.