Chanmari West, 6th October, 2013 : Ni 1.10.2013 (Thawhleh) zan khan Pu Lalchhanhima inah Branch Executive Meeting neih a ni a, he meeting hian kumin chhunga Chhiatni Fund luh dan leh hman dante an thlir a, sum hman ban a tlem deuh avangin chhungtinah Rs 100 \heuha khawn nawn leh nise tih a ni.
Branch Treasurer hnen a\angin Chhiatni Fund dinhmun chiang taka ngaihthlak a ni a, January-September 2013 chhunga Chhiatni Fund dinhmun chu hetiang hi a ni.
i) Kum 2012 balance - Rs 37,940
ii) Kum 2013-a hmuh zawng zawng - Rs 2,95,920
iii) Hmanral zawng zawng - Rs 3,17,562
iv) Hman bang - Rs 16,298
Kum 2013 January-September chhung hian kan veng chhungah mitthi 33 leh ruang thawn chhuah 5 kan nei tawh a, heng zingah hian tlaivarpui mi 19 an ni. Chhiatni Fund awmsa chu hman zawh thawkhat tawh a nih avangin chhungtinah Chhiatni Fund hi Rs 100-a khawn nawn mai nise meeting chuan a ti a, section hruaitute'n chhiatni fund hi an khawn dawn a, chhungtinte'n kan mamawhna hriaa tlawmngaih chhuaha Chhiatni Fund hi lo pe \heuh turin meeting chuan chhungtinte a ngen a ni.
Chhiatni Fund chungchang bakah hian thu pawimawh tak tak meeting chuan a ngaihtuah bawk a. October ni 15-17, 2013 chhunga 68th YMA General Conference, Khawbunga neih tura kan Branch a\anga kal turte kal dan tur hetiang hian ruahmanna an siam bawk. Conference-a kal turte chuan kal man atan Rs 300 thawh tur a ni a, ni 6.10.2013 ral hmain Branch Secretary hnenah pawisa hi theh luh vek tur a ni. Kan Branch a\anga conference kal nan hian Bus pahnih hman tum a ni.
Kum 2015-a Silver Jubilee kan hman tur atana chhungtinte hnena Fund khawn mek chu thlir ho a ni a, hetiang hi pawisa luh tawh dan a ni.
Section Beisei zat Hmuh tawh zat
Chawngbawla Rs 72,800 Rs 53,900
Khuangchera Rs 54,800 Rs 34,040
Neuva Rs 40,400 Rs 9,700
Taitesena Rs 60,700 Rs 34,800
Vanapa Rs 56,400 Rs 56,850
Total Rs 2,85,100 Rs 1,89,290
Silver Jubilee Fund hi November thla chhunga khawn fel turin meeting chuan a khawntu, section hruaitute chu a ngen a ni.
Tin, October-December chhunga Branch OB-te section-a in charge-na tur hetiang hian siam a ni bawk.
Chawngbawla Fin.Secy Pu Lalrinliana
Khuangchera Asst. Secy Pu RL Thanhnuna
Neuva Treasurer Pu R Lalhmachhuana
Taitesena Secretary Tv Zairemmawia
Vanapa Vice President Pu K Darthantluanga