Kumin chhung hian Chanmari West Branch YMA chuan chhiatni fund khawn dan tur ruahmanna a siam a, chuta tana hmuh tur a ruahman chu Rs 2,87,820.00 a ni a, hei hi Chanmari West vengchhung in tin atanga hmuh tum a ni. Chhiatni fund khawn dan tur hi Category A, B, C ah then a ni a, hei bakah hian vai inluah an awm chuan mi pakhat zel thawh tur ruahman a ni bawk.
Chhiatni fund khawn hi Section hruaitute kut a ni a, anni hian thahnemngai takin an khawn a, an thawhrimnaah Branch Committee chu a lawm hle a ni. Chhungkaw hrang hrangte thawh tur an chhungkaw milin ruahman a ni a, tichuan tuna an thawh tling khawm chu Rs 2,00,520.00 lai a ni tawh a, thawhtu chhungkaw tin chungah Branch YMA chuan lawmthu a sawi a ni.
Nikum chhung khan kan thlanmualah mi sawmli vel kan thlah liam a, hmun danga ruang chhuak nen chuan sawmruk dawn lai kuang kan siam awm e. Kuminah hian mi sawm lai kan thlah liam leh tawh a, kum tawp a lo thlen meuh chuan kan inseng leh fe in a rinawm, chuvang chuan chhiatni fund hian min daih mawh hle a ni. Hetiang hi kan dinhmun a nih avangin a khawntu Section ten thahnemngai thar leh ila, chhungkaw tin pawhin kan thawh tura YMA in min tuk chu pek tlak vat tum bawk ila a tha khawp ang. Tun thlenga chhiatni fund kan hmuh tawh dan kimchang chu hetiang hi a ni e.
CHHIATNI FUND LUH DAN
Section Beisei zat Hmuh tawh zat %
Chawngbawla Rs. 58320 Rs. 37420 64.1%
Khuangchera Rs. 58500 Rs. 47300 80.8%
Neuva Rs. 42100 Rs. 28500 67.6%
Taitesena Rs. 70700 Rs. 57800 81.7%
Vanapa Rs. 58200 Rs. 29500 50.6%
TOTAL Rs. 287820 Rs. 200520 69.6%