Mizoin Kut kan neih zinga kan ngaih ropui ber, mipui nawlpuite tana tel ve theihna Chapchar Kut lawmna chu ni li awh turin ruahmanna siam a ni a; a lawmna pui ber chu Feb ni 28 (Ninga) leh March ni 1 (Zirtawp)-a AR Lammuala hmang turin Chapchar Kut Organising Committee chuan ruahmanna a siam.
Ni 11.2.2013 (Thawh\an)a Chapchar Kut Organising Committee, Art & Culture Minister, Pu PC Zoram Sangliana kaihhruaia \hukhawm chuan kum 2013 Chapchar Kut chu ropui takin Mizoram hmun hrang hrangah February ni 27 a\anga \anin,March ni 2-ah Bamboo Day hman ruala khar turin ruahmanna a siam. He meeting-ah hian kan Branch a\angin President Pu C Lalzarliana a tel. Kut hman chhung hian Aizawl-ah chuan AR Ground-ah hnam lam, Mizo infiamna, rimawi leh zai, exhibition chi hrang hrang leh food stall te buatsaih a ni ang.
Chapchar Kut lawmna pui ber chu Feb ni 28 leh March ni1-ah AR Lammuala hman tur a ni a. CWBYMA chu Mizo Hnam Lam chi thum- Cheraw, Chawng-laizawn leh Chai-te entir tur kan ni a. Ni 11.2.2013 (Thawhtan) zan khan YMA Zawlbuk-ah Pu Zonunsanga, Branch Executive member leh Tv Zairemmawia, Branch Secretary-te kaihhruaiin lam zir a ni. Veng chhungah chhiattawk kan awm avangin zir chhunzawm rih loh a ni a, zir leh hun tur chu YMA Information mike \angin inhriattir leh a ni ang. YMA member-te tlawmngaia hnam lam zir turin Branch Committee chuan a ngen.
Tin, hmeichhe tan bika Ketaminu Intlansiak Feb ni 28-a neih turah Branch hminga team khat (member 8) tel ve tum a ni bawk. Chapchar Kut hmang tura kal turte chu hnam ziarang pholang thei tur thawmhnaw, mahni remchan ang anga inchei tura beisei kan ni tih Chapchar Kut Organising Committee thuchhuah chuan a tarlang.