3rd Asia Cup Karate Championship 2013-ah hian Home State Team tel phalsak a nih angin Mizoram Karate Players Mipa 11 leh Hmeichhia 11 – an vaiin Players 22-in an khel a; Gold medal 4, Silver Medal 3 leh Bronze Medal 7 an la nghe nghe . Chanmari West atangin player pathum leh Asst. manager Pi Vanlaltluangi d/o Pu L Romawia (L) te an tel.
Chanmari West Karate player, Medal la tute chu:
Tv Rueben Lalhmingmawia s/o Roluahpuia - Junior (16-17 years) Gold Medal & Silver Medal,
Tv Lalhmingmawia s/o Vanlaltluangi (Tluangpuii) - Cadet (14-15 years) in Bronze Medal. Nl R Lallawmkimi
d/o R.Lalbiaksanga (L) - Senior (18 years) te’n Bronze Medal lain hlawhtlinna ropui tak an chang a ni.
Chanmari West player hlawhtlinna changte hi Branch YMA chuan a chhuang tak zet a, Ni 8.5.2013 (Nilai) zana Branch YMA Executive thukhawmin kan player-te hmuahna hun ropui tak buatsaih nise a tih angin Ni 9.5.2013 (Ninga) zan khan Chanmari West Kawipuiah anmahni lawmna hun hi hman a ni.
Karate Player-te lawmna hun hi Pu RL Thanhnuna’n kaihruaiin, Pu TC Lalremsiama, Mizoram Team Manager hnen atangin report kimchang ngaihthlak a ni. Karate Player-te hi lawmpuina pangpar leh tangkafai hetiang hian hlan an ni.
CW Branch YMA - Rs1000 theuh
CW Local Council - Rs 500 theuh
CW Branch MHIP - Rs 500 theuh
Councilor, Pi Zamanthangi - Rs 500 theuh. He hun hi All Mizoram Karate Association (AMKA) hruaitute’n min rtawn hmanpui bawk. Thlalak i en duh chuan CLICK rawh
Aizawl City Branch YMA OB Ko khawm
Ni 10.5.2013 (Zirtawp) zan khan Central YMA chuan Aizawl khawpui Branch YMA OB-te; Aizawl hmar lam Chanmari YMA Hall-ah leh chhim lam Central YMA Hall-ah a ko khawm a, tunlai Mizoram boruaka hmalak dan tur hetiang hian an sawi ho.
i) Saikhumphai Bawka kangmei tuarte tanpuina tur Zirlai Pawlin an khawn chungchang sawi ho a ni a. Saikhumphai Bawk leh Vaphai khua inkar boruak atangin tun dinhmunah chuan YMA hminga Vehbur khawn rih loh nise tiin.
ii) May ni 14-16 chhunga Sakawrdai HPC Convention neih tura HPC te’n chibing pawl hrang hrangte sawma hma an la chu Central YMA chuan tha ati lo hle.
In sak tanpuina pe
Chanmari West Braanch YMA hmalaknaa kan veng chhunga hmeithai in sak tanpui nan a hnuaia mite hian pawisa an pe a, hetiang mi inphal kan veng chhunga an awm hi Branch YMA chuan lawmawm a ti hle. Tanpuina pe duh chuan YMA hruaitute hnenah a pek theih reng a ni. Pu Nundanga -Rs 10000 Pu Lalchhanhima (Puia) - Rs 1000