Central YMA hnuai rorelna sang ber Central Co-ordination Committee, Ni 10.4.2013 (Nilai) a Central YMA Hall, Venghluia \hukhawmin ILP check runpui neih a lo rel tawh bawhzuiin, Ni 23.4.2013 (Thawhleh) zan khan Chanmari West veng chhunga hnam dang (vai) awmte endik an ni a, Inner Line Permit (ILP) nei lo mi 16 hmuh chhuah a ni.
Central Co-ordination Committee \hukhawm chuan ram dang mite laka kan ram leh hnam kan humhalh theih nana kan ram chhunga ram dang mi, phalna nei lova awmte dap chhuah nise a ti a, thawhpui turin Branch YMA-te a ngen bawk.
He thurel hi bawhzuiin Chanmari West veng chhungah Ni 23.4.2013 (Thawhleh) zan khan Branch Executive, Section OB leh Sub-Committee OB kalkhawm, mi 28-te chuan veng chhungah ILP endik runpui an nei a. Chanmari West veng chhungah hian hnam dang (vai) 97 khawsa mekin, heng zinga mi 16-te chu phalna nei lova khawsa an ni tih hmuh chhuah a ni bawk.
Ni 23 zana hnatlanlai hian hnam dang mi (vai), an in luahna hmuna lo awm remchang lo, zin bo mi 15 lai an awm bawk. Heng mite hi hun remchangah ennawn leh tum a ni. He hnatlang neihna atanga kan veng chhunga section hrang hranga hnam dang mi (vai) khawsa zat chu hetiang hi a ni.
Taitesena Section:
Awmzat - 19
ILP nei lo - 5
Zin bo/Awm lo - 4
Chawngbawla Section:
Awmzat - 20
ILP nei lo - 1
Zin bo/Awm lo - 7
Neuva Section:
Awmzat - 23
ILP nei lo - 2
Zin bo/Awm lo - 4
Vanapa Section:
Awmzat - 25
ILP nei lo - 6
Khuangchera Section:
Awmzat - 10
ILP nei lo - 2
Branch YMA chuan hnam dang mite laka kan him lehzual theihna turin in luah tur neite fimkhur turin a ngen nawn leh a ni.
_________________________________________________________________________________________________
Branch YMA-in Mi Harsa In saksak dawn
Chanmari West Branch YMA hmalakna leh Bialtu MLA Pu Lal Thanzara \hahnemngaihna zarah Branch YMA chuan veng chhunga chhungkaw pakhat chu chenna tur in leh lo a dinsak dawn.
In leh lo dinna tur hian Bialtu MLA hnen atangin $ 50, 000 dawn a ni a, hemi hmang hian bul \an thuai tum a ni. A \ul ang anga hma lo la turin Branch OB te leh Pu Vanlalvuana, Pu Lalruatsanga leh Pu Lalrinliana Branch Executive member te ruat an ni.
Ni 25.4.2013 (Ninga) zana Branch Executive emergency meeting chuan he in sak tur hi \ha taka sak zawh ngei a duh a, amaherawhchu tunlai thil man sang lutukah chuan $ 50, 000 hi chuan a daih dawn lo niin a lang a, chuvangin mi inphalte tan chuan mi harsa in sak tanpuina hi a pek theih reng bawk a ni.