Pu David Lalhmangaiha, Chanmari, Chaltlang Road-a mi in sak (extend) mek chu a thlang lam, Chanmari West veng tana him lo nia Branch YMA-in a hriat avangin June ni 3 khan Aizawl Municipal Council (AMC)-ah hma la turin ziakin a thlen.
June ni 5 khan AMC a\angin Pu David Lalhmangaiha hnena a insak chhunzawm tawh lo tura hriattirna lehkha an pek copy chuBranch YMA pawhin a dawng a, an hmalakna lawmawm a ti hle.
Pu David-a hi AMC -in a insak chhunzawm lo tura an hriattir chung pawhin a sak chhunzawm reng avangin Branch YMA chhuan AMC lamah an phalna la a chhunzawm nge a nih ? A zawt zui a, phalna la chuang lovin ama thuin a chhunzawm tih finfiah a ni.
AMC phalna la lova hna a chhunzawm reng lai hian thuneitute’n a chunga hma an la si lo va, Branch YMA chuan July ni 10 (Nilaini) khan Aizawl Deputy Commissioner & Chairman, Aizawl Disaster Management Authority hnenah a rang lama hma la tura ngenna lehkhain a theh lut.
He lehkha theh luhah hian AMC-in sak chhunzawm lo tura an hriattirna lehkha xerox copy leh hnathawklai thlalak thil tel a ni bawk. Hemi tlai dar 4:00 hian Aizawl DC chuan enfiah turin Dr Lalngura Tlau (MCS), Asst. Commissioner chu rawn tirin hemi hunah hian Chanmari Local Council, bialtu AMC Councellor Ward No.V, Pu Rosiamngheta, Chanmari West Branch YMA hruaitute leh insatu Pu David Lalhmangaiha te nen an enho.
Pu David Lalhmangaiha hian a insak mekah hian sorkar phalna a la lo tih finfiah a ni a, a tuichhe paihna pawh a lang chinah mumal takin pipe hmang mah se, a hnu lawkah thlang lam tana hlauhawm thei turin a luang darh mai mai tih hmuh a ni bawk. Hemi ni pawh hian mi 10 chuang hnathawktu lo awmin an lo thawk mek bawk.
Hetiang hi thil awm dan a ni a, Dr. Lalngura chuan insatu hnenah a insak mek chawlhtir nghal turin thutlukna a siam mai thei lo va, thil awm dan a hmuhte chu Aizawl DC leh Geology & Mineral Resources Department-ten an zir ho leh phawt a, joint survey an neih leh loh chuan titawp turin thutlukna a siam thei lo.
Chutih laiin a ranglama Department hotute nen survey a nih tur thu a sawi thung. AMC hmalak mekna a nih sa bakah chhunzawm lo tura thu an lo pek mek a ni bawk nen, AMC-ah a rang thei anga hma la turin Branch YMA chuan July ni 11 khan lehkha a thehlut leh ta zawk a, veng tan a \ha thei ang bera hna thawh a nih theih nan theihtawp chhuaha bawhzui zel a tum bawk.