Central Road-in National Highway a pawhna lai kawng awih lutuk chu kan bialtu MLA ngenna angin Branch YMA chuan a siamthat hna an thawk a, tunah chuan zawh fel a ni ta.
He hna enkawl tur hian Pu RL. Thanhnuna chu Branch YMA Committee chuan tlawmngai turin a ngen a, ani hian tlawmngaih chhuahin he hna hi uluk takin a enkawl a, Department lam pawhin thawk tha lutuk zawk mahin an sawi hial a ni.
Ni 5.7.2012 atang khan hnathawh bul tan a ni a, tichuan Ni 24.9.2012 khan thawh tur anga ruahman chu an thawk zo ta a ni. Hna hautak tak mai a ni a, tha pawh 657 zet sen a ni. He hna thawh nan hian Rs 7,54,390 hman ral a ni a, Branch YMA sum chuan a daih loh avangin mi tlawmngaite sum hman sak thin a ni. Tin, kan veng chhunga balu leh cement dawr neituten phal takin an bat tir bawk a, an chungah branch Committee pawh a lawm hle a ni.
Tunah chuan Branch YMA zarah kawng tha tak kan nei ta. Helai kawng hi PWD chuan ruahtui hul hunah an metal leh dawn a ni. He kan hnathawhna bill hi Department lamah buaipui mek a ni a.
Leimin tan vehbur khawn
Central YMA in Aizawl khawpui chhunga branch hrang hrangte Ramhlun vengthar leh Ramhlun Sport Complex huamchhunga leimin tuarte tana vehbur khawn turin ngenna a siam a, kan Branch YMA pawhin thahnemngai takin an khawn a, Rs 60,515 hmuh a ni a, petute chungah lawmthu an sawi a ni..
Hetiang hi Section hrang hrang hmuh dan a ni :-
Vanapa Section - 17,580
Chawngbawla Section - 14,640
Taitesena Section - 12,100
Khuangchera Section - 10,435
Neuva Section - 5,760