Ni 30.4.2013 (Thawhleh) zana Pu Lalramhluna Hauhnar ina Branch Executive Meeting chuan August Ni 13-15, 2013 chhunga Branch YMA Zaipawl intihsiakna a buatsaih Central YMA a\anga sawmna kan hmuh angin tel ve ngei nise a ti a, hma lo la turin Zaipawl enkawltute ruat an ni.
Ni 30.5.2013 zana Branch Exeutive Meeting hian Ram leh Hnam Humhalhna kawnga Branch YMA hmalakna tur pawimawh tak tak an rel. Central YMA ngenna angin Branch huam chhunga hnam dang mi, Mizo hming hawha sumdawngte tihtawp dan tur leh phalna nei lova hnam dang mi awmte chu in luahtir loh tur tih chu Kumpuan Sub-Committee te hmalakna atan dah a ni. Hnam dang mi, dan lova sumdawng leh an sumdawn dan report hi June ni 15 ral hmaa Central YMA-a thehluh theih tura hmalak tum a ni.
August ni 13-15, 2013 chhunga Central YMA-in Pu Rokunga hlate hmanga Branch YMA Zaipawl intihsiakna a buatsaih turah Central YMA a\angin sawmna hmuh a ni a, Branch Committee chuan ngun taka a ngaihtuah hnuin he inelnaah hian tel ve ngei ni se a ti a, hma lo la turin Branch YMA Zaipawl enkawltute a ruat nghal.
Central YMA-in Ram leh Hnam Humhalh Kum a puan ang ngeiin he lam kawnga hmalakna chu chak taka kalpui zel tum a ni a. Rangvamual leh Phunchawng vela hnam dang (foreigner) dap chhuah leh a \ul huna operation neih turah kan Branch a\anga mi 20 aia tlem lo tel tura Central YMA-in min hriattirna chu tihhlawhtlin ngei nise meeting chuan a ti a. Branch OB, Branch Executive member, Section tin Secretary bakah tel thei tur awmte Branch Secretary-in lo ruat se tih a ni.
Kum 2013 YMA General Conference Khawbunga neih turah Central YMA hruaitu thlanna neih a ni dawn a, he inthlanah hian Branch YMA a\angin nomination neih ve ngei nise meeting chuan a ti.
Veng chhunga ui leh ar khuahkhirh loh a tam lutuk chu Branch YMA chuan a ngaimawh hle a. Local Council-in ranvulh khuahkhirhna dan a kalpui reng chung pawha ziaawm lam a pan hleih theih loh avangin YMA hminga hma la thei turin Local Council-ah phalna dil mai nise meeting hian a ti.
Central YMA ngenna angin theih tawpa veng chhung faina tura hma lak nise tih a ni a, faina kawnga hma la tur hian section tinte’n \anlak \heuh nise tih a ni bawk.
Veng chhunga mi harsa in sak \hatsak tura \anpuina petute chungah Branch YMA chuan lawmthu a sawi.
ROLL TRANSFER LEH THUN THAR TURTE HRIAT TUR
Chanmari West vengchhunga cheng Electoral Roll- Transfer dil tur leh Roll-a thun thar tum ten YMA hriatpuina lak dawnin mahni ngei emaw chhungte a nih loh chuan midang thawn lo tura hriattir kan ni. YMA Census-a hming chuang lo emaw YMA Pem lehkha dik tak nei lote chu YMA hriatpuina pek chhuah theih an ni lo.