Ni 20.11.2012 zan khan Pu R. Lalmalsawma inah Chanmari West Branch YMA Executive Committee chu an meeting. He meeting hian Ni 11.12.2012 a kum 2013 hruaitu thlan tum chu an ennawn a, hun pawh duan fel a ni a, nomination list pawh siam fel a ni. Meeting hi Pu T. Ngurkhuma chuan a kaihruaia, Ni 11.12.2012 (Thawhleh) zanah hian Krismas Carol Service hun hman tum a ni a, Zan tirah Zawlbukah hun hmasa hman phawt a, mitthi sunna hun hman a, mi harsate pualin thawhlawm lakkhawm tum a ni bawk. Zaihona hun hman a, chuta tanga kalchhuah a, veng chhung fanchhuah a, YMA Park-ah a kharna hun hman tum a ni. Ni 22.11.2012 (Inrinni) ah hian Section, YMA AW leh Branch sum audit tura rel a ni bawk.
Tunlaia Central YMA-in inthendarh zawnga hmalakna a duh loh chungchang leh chibing pawl hrang hrangte hmalak dante sawifiah a ni a, hemi kawngah hian Mizoram thendarh zawnga hmalakna chu do zel tum a ni a, mizo inpumkhat zawnga hmalak zel pawh a tum bawk a ni.
YMA MEMBER NIHNA HLIHSAK
Kan Branch YMA member Tv G.. Lallawmawma S/o G.. Zama, Neuva Section chuan Ni 17.11.2012 (Inrinni) tlaia a zuruiin an In luahtu Pu Ricky Lallawmawma, an In chhungah luh khungin, a cho va. Ricky-a chuan zaidawh taka a tih let loh chung pawhin buaina siam zawnga a awm reng a, Ricky-a hian buaina chhuak lo tura a duh avangin, Neuva Section YMA hruaitute a pun a, YMA hminga kal, Neuva Section YMA Secretary Tv R. Laltlankima pawh hruaitu a nihna zah lo taka a tih avang leh a malpui a thisen chhuak khawpa a seh hi pawi kan ti in tha lo kan ti a,
Chuvang chuan Ni 21.11.2012 (Nilai) zana Zawlbuka lo kal a, hruaitute nen thu sawiho tura kan tih chu, kan hruaitute bulah ngei a kal loh tur thu a sawiin, a kal lova. Ni 22.11.2012 (Ninga) zanah koh leh a ni chung pawh a a la kal lo fo hi pawi kan ti tak zet a ni.
YMA hian vawi eng emaw zat mi koh kan lo nei tawh a, YMA koh a kal lo hi sawi tur kan la hre ngai lo.
Tv. G. Lallawmawm a hian mi in chhunga buaina siam zawnga a awm avang te, kan YMA hruaitute zah lo taka kut a thlak avang leh, vawi 2 koh a ni chung pawha a kal loh chungchangah Ni 22.11.2012 zana joint meeting chuan hetiang hian a chungah action lak nise a ti a ni.
1. YMA Dan Bu Bung III, chang 17 (2) a YMA Member nih dan a sawi angin, kum 2012 chhung atan kan Branch YMA Membership fee Rs 5/-a pek avangin member atan pawm a ni a. Dan Bu Bung III, chang 21 (1) in Member nihna hloh dan a sawi anga, Bung III, chang 17 na kalh zawnga a khawsak avang hian, kumin 2012 chhung atana YMA member a nihna chu hlihsak (Member atanga paih) a ni a, membership fee Rs 5/-a lo pek tawh chu pek let nghal a ni. Tun atang chuan YMA Member a ni tawh lo a ni.
2. A awmdan/khawsak danah Chanmari West Branch YMA hruaitte hi hruaitute kan nihna anga zahna leh an thu awihna a neih loh bawk avangin, Kum 2013 leh 2014 chhung atan hian Chanmari West Branch YMA member-ah a awm rem tih a ni lova, YMA thiltihna reng rengah a tel phal a ni lo bawk.