Ni 16.7.2013 (Thawhleh) zan khan Adviser, Pu A Biaklawma inah Branch Executive Meeting neih a ni a, thu pawimawh tak tak sawi ho a ni. He meeting Pu C Lalzarliana kaihhruaiah hian kan hmalawka Branch YMA Zaipawl intihsiakna lo awm tur atana inbuatsaihna kalpui dan leh hmalak zel dan turte sawi ho a ni a, zaipawlte hi camp neihpui nise tih a ni a, Asst Conductor atan Tv David Vanlalpeka chu ruat a ni bawk.
Branch Executive Meeting chuan veng chhunga ruihhlo zuar nia rinhlelh leh Pem Lehkha mumal nei lote uluk taka enzui nise a ti. Section hrang hrangte’n Silver Jubilee Fund (member pual bik) taima taka an khawn zo chu lawmawm a ti hle. Silver Jubilee lawmna atana inhlawhna Power & Electricity Dept atanga $ 40,000 lai mai hmuh a ni chu meeting chuan lawmawm a ti hle a ni.
Chanmari West Sporting Club-te MPL khel tura an tling chu Branch YMA chuan $ 10000 lawmpuina pek ni se a ti bawk.
Meeting hian 68th YMA General Conference neih tur chu uluk takin a thlir lawk a, conference-ah hian Zaipawl tirh nise, a remchan dan a zirin special item neih ni se meeting chuan a ti.
YMA AW Editorial Board ennawn a ni a, tuna enkawl tute hian tlawmngaih chhuahin kumin chhung enkawl se tih a ni.
Chanchinbu man luh dan
Branch Action Plan-a lo dah June thla chhungain Chanchinbu man khawn zawh nise tih anga Section hranga hrangte Chanchinbu man theh luh tawh dan heti ang hi a ni.
a) YMA Chanchinbu
Section Lak zat Lut tawh zat Remarks
Chawngbawla 25 Rs. 2500 Lut kim
Khuangchera 72 Rs. 6500 7 man la lut lo
Vanapa 43 Rs. 4300 Lut kim
Taitesena 46 Nil
Neuva 36 Nil
Total 222 Rs. 13300
b) YMA AW
Section Lak zat Lut tawh zat Remarks
Chawngbawla 193 Rs. 12480 $ 2960 la lut lo
Khuangchera 223 Rs. 17840 Lut kim
Vanapa 211 Rs. 14720 $ 2160 la lut lo
Taitesena 269 Rs. 21520 Lut kim
Neuva 169 Rs. 13520 Lut kim
Total 1064 Rs. 80160
Hman ral Rs. 27280
Kuta awm Rs. 52800
YMA AW chhutna man hi June thla thleng pek fel tawh a ni.