Aizawl Municipal Council-in an huamchhunga bawlhhlawh PPP Mode hmanga paih man khawn tura ruahmanna a siam angin kan veng chhungah pawh he ruahmanna hi kalpui a ni a, Local Council pawhin August thla atangin paih man khawn turin ruahmanna a siam a ni. Kan veng chhunga chhungkaw tinah leh dawr tinah Rs 20 theuh khawn tur a ni. Bawlhhlawh paih tur hian section hrang hranga khawn turin heng mite hi Local Council chuan a ruat a ni. Chawngbawla Section-ah Lalzuithangi, Neuva Section-ah Lalbiakzova, Khuangchera Section-ah Zothanmawii, Vanapa Section-ah Biakthanmawii leh Taitesena Section-ah C. Lalrosiama te ruat an ni. Heng mi ruat chhuahte hian kum khat chhung an khawn dawn a ni. Kan veng chhunga chhungkaw tinten bawlhhlawh paih man an rawn khawn hi lo pe ngei tura ngen leh hriattir an ni.
Chanmari West Anganwadi Co-ordination Committee hmalaknain Chanmari West Anganwadi Centre-I chu sak mek zel a ni a, ICDS atanga sum hmuh hi a beitham avangin sak zawh theih a ni dawn lo va, tha taka sak zawh hram duh a ni a, chuvang chuan kan veng chhunga chhungkaw tin ten rawra tin hnih (2) theuh thawh tura ngen an ni a, heng rawrate hi Vanapa Section YMA Buk-ah dah tur a ni a, dahte chuan Pu H. Vanlalvena hnenah hming ziah tir zel tur a ni. Rawra nei remchang lo chuan Rs 50/- thawh theih a ni a, pawisa pe duhte chuan heng mite hnenah hian pek theih a ni ang. Chawngbawla Section-ah Pu C. Lalmuanpuia, Vanapa Section-ah Pu H. Vanlalvena, Neuva Section-ah Pu Lalliansangpuia, Taitesena Section-ah Pu RL. Thanhnuna leh Khuangchera Section-ah Pu H. Lalramhluna te hnenah September thla chhungin pek tur a ni ang.