October ni 15 a\anga Khawbung-a neih \an 68th YMA General Conference chu October ni 17 khan tluang takin neih zawh a ni ta. He Conference-ah hian Kum 2013-2015 chhung atana Central YMA hruaitu tur thlan a ni a, Pu Lalbiakzuala, Khatla (Aizawl) chu President atan thlan a ni.
Conference-ah hian CWBYMA atangin palai 49 kalin, ni 14 zan dar 9:30 khan Aizawl an chhuahsan a, ni 15 chhunah tluang takin Khawbung an thleng.
Ni 15.10.2013 (Thawhleh) zan Vantlang Inkhawmah CWBYMA Zaipawl chuan Palai Lawmna hla mawi takin an sa a, kan Branch YMA item pakhat Drama chu ni 16 chhunah entir a ni bawk, kan Branch a\anga item neitute’n \ha takin an chanvo an tihlawhtling thei a, Branch YMA chuan lawmawm a ti hle.
Ni 16 khan CYMA President, T Sangkunga kaihhruaiin rorel palai 1,373-in pandal-ah ro an rel a. "Sorkar dept tinin anmahni office building-ah parking an neih theih nan Central YMA-in hma la rawh se," an ti. Kum 2014 kumpuan atan 'Ram leh hnam humhalh' tih thlan niin, 2014-a YMA General Conference neihna hmun atan Ratu thlan a ni.
Ni 16 zan khan hruaitu hlun chawimawina, kumpuan bawhzui \ha leh branch YMA chanchinbu \ha lawmmante hlan a ni a; CWBYMA chuan Aizawl khawpui chhunga YMA Chanchinbu la \ha lawmman 3-na kan dawng a, a ropui khawp mai. Mount Everest-a Mizo láwn chhuak hmasa ber - David Zohmangaiha leh Vanlalliana te leh Tlawng luia tuitla chhanchhuaktu, Vanlalbiaksanga Sailo, Kanan Veng, Aizawl te chawimawina hlan an ni bawk.
Ni 17 khan CYMA President hlui, Lalchungnunga kaihhruaiin Central YMA office bearer turte thlan a ni a, chungte chu: President - Lalbiakzuala, Vice President - Vanlalrema Rokhum, General Secy - Vanlalruata, Asst Secy - Lalhmachhuana, Treasurer - J Lalsailova leh Fin. Secy - Lalrochuanga Pachuau te an ni.
Central YMA Gen Secy, Vanlalruata'n report a pek danin, tun dinhmunah YMA hian branch 796, group 46 leh sub-headquarters 5 a nei mek a; member 3,89,557 mipa 2,32,435 leh hmeichhia 1,57,122 an ni.