@ Ni 8.9.2012 (Inrinni) zinga Faina hnatlang neihah Pu H. Suanate chhungin thingpui tuihnai tak an lum sak a, an lawm hle.
@ Section huamchhung atanga camping-a lut zawng zawngte chhanchhuahna chang ngei turin duhsakna an hlan.
@ Hun remchang hmasa berah section committee meeting thut tum a ni a, hruaituten hun lo insiam theuh nise.
@ CYMA-in a ti tur a tih angin Ramhlun venga leimin tuarte tanpuina section chhung in tinah vehbur khawn a ni dawn a, chhungtinte mahni remchan tawk lo pe theuh turin an ngen.
CHAWNGBAWLA SECTION
@ An member mi eng emaw zah chu Campingah an lut a, YMA tan mi tangkai tak an nih zel an beisei.
@An Section chhungah ran chhuak an awm leh thin chu pawi an ti a, ran neituten Local Council thuawiha an rante khuahkhirh theuh turin an ngen.
@Tun karah hruaituten mahni bial chhung intinah leimin tuarte tan tanpuina khawn tur a ni a, section leader thu lo ngaihchan tur a ni e.
@An hruaitu Pu C. Sangpuia, Pu Zoramthara, Dr. Lalramliana leh Pu Ruatsangate chuGospel Campingah an buai thei hle.
@Kawngpui dung leh Step remchanga ualai laia zu in thin ten sim turin an ngen.
@Section chhungah faina hnatlang neih thuai tum a ni a, memberte leh YMA chhangte lo inring lawk turin an inchah.
@Hun remchang hmasaah section committee meeting tum a ni a, hruaitute lo inrin lawk tur a ni e.
VANAPA SECTION
@ Ni 17.9.2012 (Thawhtan) zan inkhawm banah Pu Gordon Zosangliana te inah Committee koh a ni.
@ Pi Rosiami chuan thutthleng siamnan Rs 500/- section-ah a pe a, Pi Romani’n a fapa boralta Tv PC Lalchhuanawma hnatlan ve nan Rs 500/- a pe bawk a, thilpek petute chungah an lawm hle.
@ Pu Laltanpuia (TPA) chuan fapa thar duhawm tak mai a nei a, an lawmpui hle.
@ An hruaitu leh member camping-a lut zawng zawngte siam tharna chang ngei turin an duhsak hle.
@ Vanapa Day (Section Sport) nei turin chak taka hma lak mek a ni a, rokhawlhna dang a awm loh chuan October thla chhung ngeia sport hi neih an tum.
@ An Leader Pu VL Thakima chu chhungkaw thilah Thingsul lamah a zin mek a, dam taka a lo haw leh thuai an beisei.
KHUANGCHERA SECTION
@ Ni 12.9.2012 khan DDK-ah Lengkhawm Zai record a ni a, DDK lam pawh an lawm hle. He an zai hi Ni 22.9.2012 (Inrinni) tlaiah a lo chhuak ang a, veng mipuite lo en theuh turin an sawm. Hetihlai hian an hla hriltu tura an beisei Pi Lalramsiami chuan tawhsual a tawh avanga a tel ve thei lo chu pawi an ti hle.
@ Ramhlun venga leimin tuarte tanpuina CYMA-in a tih angin veng chhunga in tinah vehbur khawn a ni dawn a, chhungtinte mahni remchan tawk lo pe theuh turin an ngen. Hruaitute’n mahni bial theuhah khawn tur a ni a, Ni 23 aia tlai lovah Section Leader hnenah theh luh tur a ni e.
@ Veng chhunga luikawr bul hnaia awmte’n luikawrah bawlhhlawh an la paih thin tih hriat a ni a, paih tawh lo turin an hriattir.
@ Damlo- Pu Lalsangkima, Pi Zoramtani te damlo chu an dam thuai an duhsak.
@ Ni 19. 9.12 zing karah hian veng chhungah faina hnatlang neih tur a ni a member te kim taka thawk chhuak turin an inngen. Chhunah hruaitu ten Sect bungraw enfel hnatlang neih nghal tur a ni.
@Karleh hun remchangah Committee koh tum a ni a, hruaitute hunawl lo insiam turin an inhriattir lawk.
TAITESENA SECTION
@ Vawiin chawhnu inkhawm ban hian Leader inah section committee neih tur a ni a, member-te kal vek turin an inhriattir.
@ An Secretary Pu Lalbiakkima Sailo te chuan fapa thar duhawm tak an nei a, an lawmpui hle.
@ An hruaitu Pu Lalngaihawma nuamsam lo chu a dam thuai an duhsak.
@ Mitthi buhfai khawntute tan la thar leh turin an inchah a, chutih rual chuan hruaitute’n mahni bial theuha buhfai khawn a nih leh nih loh ngaihven theuh turin an inchah.