@ Ni 8.9.2012 (Inrinni) zingkar khan Faina Hnatlang neih a ni a, member thawk chhuak zawng zawng chungah committee chuan lawmthu an sawi.
@ Chhungtinte mahni in leh a vel vawng fai turin an inchah a, Bawlhhlawh paih motor-ah bawlhhlawh paih theuh ni se an ti.
@ Leimin avang a chhiattawk chhungkua te an tawrhpui hle a, Ni 6.9.2012 (Nilaithawhtan) leh Ni 8.9.2012 (Inrinni) a nileng hnatlang a thawk chhuak section memberte chungah lawmthu an sawi.
@ An hruaitu Pu Liansangpuia chuan fapa duhawm tak a nei thar a, an lawmpui hle.
CHAWNGBAWLA SECTION
@ August Ni 25 a, Sarah Fashion Drawing Competition (YMA Chhang pual) tana buatsaih chu Pathian ni khan result puan a ni a, lawmman hi New Horizon School-ah sem a ni. Hetiang hi an result a ni; Kum 6 hnuai lamah 1st Zohmingsanga S/o Thanghmingliana, 2nd Murcus Malsawmzuala S/o Lalnunthara Sailo, 3rd Lalrindika S/o Vanlalisaka te an ni a, Kum 7 - 9 inkarah; 1st Lalremsiama S/o Thanghmingliana, 2nd B. Lalnunpuii D/o B. Lalrawngbawla, 3rd Lalhruaitluanga S/o Lalruata Hnamte an ni. Kum 10 - 14 inkarah 1st Lalrinawmi Ralte D/o Lalrawngbawla Ralte, 2nd Lalchhuanawma Khiangte S/o K. Lalthakima 3rd Lalmuanpuii D/o Lalchhandama Ralte an ni.
Lawmmanah hian Box tha tak sem a ni a, a sensote hi Pu Laldingliana'n a tum vek a, section-in a chungah lawmthu a sawi.
@ Lalrinthanga, Pu Lalchhandama Ralte fapa chu Civil Hospitalah a awm a, a dam leh thuai an duhsak hle.
@ An member Pu Lalremsanga chuan Ni 6.9.2012 khan fanu a nei a, section chuan an lawmpui hle.
@ Ni 2.9.2012 Chawlhni zingkar khan Chaltlang kham a lung lum chuan an section huamchhunga in pathum a deng chhia a, Pu Rochharliana In a deng chhe nasa ber a, Pu Lalbiakmawia Ralte leh UPC Biak In pawh a deng chhe nual bawk, nunna chan leh hliam an awm lo chu lawmawm an ti hle.
@ Pu R. Rokima chuan section thutthleng siam nan Rs 20,000.00 a pe a, hetianga mi inphal an sectionin an nei hi an chhuangin, a chungah an lawm hle.
VANAPA SECTION
@ Veng chhunga leimin tuar chhungkuate an tawrhpui hle.
@ Ni 6.9.2012 (Ninga) nia Buk extend hnatlang leh Ni 8.9.2012 (Inrinni) a section chhunga Faina Hnatlang neih an tum chu veng chhunga leimin a awm vanga chhiat tawk kan awm avanga Branch YMA in member pum huapa hnatlang a koh avangin an thulh rih a, hun remchang hmasaah hnatlang hi koh leh mai tum a ni.
@ YMA thutthleng thar 40 lai an siamtir mek.
@ An member Pu Remsangpuia Damdawi ina awm chu dam takin a lo chhuak leh ta.
TAITESENA SECTION
@ An hruaitu Tv H. Lalnunzira (Zirtea) chu Federation Qualifying Round khel turin Jamshedpur lamah a thang mek a, hlawhtlinna ropui tak nena a lo haw leh ngei an duhsak.
@ Veng chhunga leimin tuar chhungkuate an tawrhpui hle. Leimin avanga hnatlanga thawk chhuak thin an member-te chungah lawmthu an sawi a, YMA hmalakna kawng hranga hranga taima leh zual turin an member-te an chah.
KHUANGCHERA SECTION
@ Ni 12.9.2012 (nilaini) hian Doordarshan-ah Lengkhawm Zairecord tum ani a, nu leh pa leh YMA member hla zir thin zawng zawngte chungah lawmthu an sawi.
@ Branch hnatlanga thawk chhuak thin member te chungah lawmthu an sawi. YMA hmalakna kawng hrang hranga thahnem ngai taka thawk chhuak zel turin an inchah.
@ An member Gospel Camping-a lut zawng zawngte taksa leh thlarau siam tharna changa hlim taka an lo chhuah ngei an duhsak hle. Tin, la lut ve lote pawh lut theuh turin an insawm.