@ Asst. Leader Pu Lalthanruma eizawnna avanga Lunglei lama zin pawh dam takin alo haw leh ta.
@ Section bungraw hawh tur reng rengin ziakin property i/c te hnenah dil thin tur a ni.
@ In luahtur nei ten Pem lehkha ngai pawimawh turin an inngen.
@ Local Council thuchhuak angin Ui leh Ar nei ten khawlaiah chhuah lo turin an inngen.
CHAWNGBAWLA SECTION
@ Sarah Fashion Drawing Competition (YMA Chhang pual) chu Chawngbawla Section chuan inrinni kalta khan an section YMA chhang tan New Horizon School-ah an buatsaih, Naupang 79 lai an rawn tel thei a, lawmawm an ti hle. Drawing competition-ah hian cryon box khat, pencil, nawhreh leh scale-te chu a tel zawng zawngte pek an ni. Age group thuma inntihsiakna hi neih a ni, a ti tha pathum theuhte hnenah lawmman tha tawk tak pek an ni ang. Lawmman hi New Horizon School-ah vawiin tlai dar li (4) hian sem a ni dawn, Section atanga tel zawng zawngte chu kal vek tura sawm an ni. Section dang atanga rawn tel te chungah pawh lawmthu an sawi.
@ He competition atana sensote Pu Laldingliana'n a tum vekin, Rs 5000/- lai a rawn thawh a, section-in a chungah lawmthu a sawi. He drawing competition hi Pu Laldingliana dawr hming chawiin Sarah Fashion Drawing Competition vuah a ni.
@ Pu Lalchhandama Ralte chuan fanu hlir pali a neih hnuah fapa duhawm tak thawhtan Ni 27/8/2012 khan Synod Hospital-ah a nei a, Section chuan a lawmpui hle.
TAITESENA SECTION
@ Karleh hun remchang hmasa ber ah Committee neih tur a ni a, Committee memberte hun lo insiam turin an in hriattir.
@ Ui leh Ar neite chhuahlo turin an in ngen
@ Hriselna atan mahni in leh avel vawngfai theuh turin an in ngen.
@. An Committee member Pu Lalngaihawma ten fapa duhawmtak an nei chu an lawmpui hle.
KHUANGCHERA SECTION
@ Ni 12.9.2012 (nilaini) khian Doordarshan-ah lengkhawm zai khung tur a ni a, ngawrh takin an zir mek. Hruaitute hla zirna lamah an kal tha lo thin erawh pawi an tiin, a taka tel hman lo tur pawh a zirna lamah thahnemngai taka tawiawm thin turin an inngen. Hla zirna tura phal taka in hmantirtute chungah lawmthu an sawi.
@ Section huamchhung a ui leh ar khawlaia hmuhtur an la awm thin chu pawi an ti hle
@ Section bungrawh hawhtu ten fai tak a dah leh thin a, tha taka rem fel thin turin an inngen.
VANAPA SECTION
@ Ni 30.8.2012 (Ninga) zan khan Pu Roluahpuia inah section committee an thu a, thu pawimawh tak tak an rel.
@ Ni 6.9.2012 (Ninga) ni hian Bungraw In zauh hnatlang neih tur a ni a, Hruaitu pual hnatlang a nih avangin Hruaitute kim taka kal turin an in hriattir.
@ Ni 8.9.2012 (Inrinni) hian member pum huapin section chhungah Faina Hnatlang neih tur a ni a, member a tam thei ang ber thawk chhuak turin an innngen.
@ An member Nula C. Lalsangpuii chuan M.Sc (Mathematics) 1st Class-ah a pass a, an chhuangin an lawmpui hle.
@ Kum tawp lam hun remchangah Section YMA member te leh YMA Chhang member-te tan intihhlimna (Sports) hun siam an tum a, member-te lo inbuatsaih turin an inhriattir.
@Vanapa Nite hmang turin an inbuatsaih tan a, Organising Committee dinin chak taka hma kal mek a ni.i.
@ Pu K. Lalramliana (L) hriatrengnan a nupui Pi Chhingpuii leh a fate'n thutthleng 6 siamnan Rs 3,000/- section-ah an pe a, Tv Lalrinawma (Anggira) hriatrengnan Pi Laithuami leh a fate'n Dekchi lian tak an rawn pe bawk. Pu C. Lalnunmawia te chhungkuain thutthleng 10 siamnan Rs 5000/- an rawn pe bawk. Thilpek petute zawng zawng chungah section chuan lawmthu a sawi.
@Section chhunga kawngpui kama Ruihhlo (Ganja) khawih thinte chu sim vat turin an ngen a, ualau taka hmuh leh man an nih chuan an dim dawn lo tih an hriattir bawk.
@Local Council thuchhuak angin mahni ranvulh, ui leh arte khuahkhirh turin an inhriattir.