@ Ni 20.10.2012 (Inrinni) zing kar a Park sam fai hnatlang neihah member tam tak an thawk chhuak chu committee chuan lawmawm a ti hle.
@ Vengchhungah chhiattawk an awmin Mitthi lumen, Khawhar in kal leh thlanlaihte hi YMA member kan nih angin kan tih ngei tur a ni a, tan la sauh sauh turin an inchah.
@ Section chhung kan lo thianghlim zawk theihna atan chhung tinte mahni in leh a vel te vawng fai theuh tur leh bawlhhlawh a bawm a paih theuh turin an inngen.
TAITESENA SECTION
@ 1 Ni 16.10.2012 (Thawhleh) zan khan Section Committee thut a ni.
@ Ni 20.10.2012 (Inrinni) nileng khan hruaituten bungrua enfel leh Hoarding siam that hnatlang an nei.
@ November Ni 15 zan hian an section chhung a Nu leh Pa te nen khawt;lang nun siamthat chungchang tih thupui hmang a inkawm ho tum a ni.
@ YMA Activity hrang hrangah Member te tan la thar sauh sauh turin an in ngen.
KHUANGCHERA SECTION
@ Faina hnatlang neih ni a bawngtuthlawh achin an hriat loh chu mifel takin lo dahtha in hmuh lehtawh a ni a, an lawm hle.
@ November thla tawp lamah hian Section Soprt ropuitak neih tum a ni a, Memberte theih tawp a lo in buatsaih turion an in hriattir.
@ Branch YMA hminga thisen petute zawng zawng chungah lawmthu an sawi.
VANAPA SECTION
@ Ni 16.10.2012 (Thawhleh) zan khan Nl Melody te inah section committee an nei a, thu pawimawh tak tak an rel.
@ Ni 24.10.2012 (Nilaini) hian Vanapa Section Sport-2012 Mizo High School Field-ah an nei dawn a, YMA member leh YMA Chhang member-te tel theuh turin an insawm.YMA Member mahni awmna Group hre duh tan hruaitute hnenah en theih a ni e. Intihsiakna chi hrang 15 hmangin inelna an nei ang.
@ Ni 7.12.2012 hian Vanapa Nite ropui taka hman an tum a. He mi pual hian an section member-te tan Vanapa Chanchin in ziahsiak (Essay Writting Competition Thumal 1200-1500 velin) an buatsaih a. Essay hi mahni in lama ziah theih a ni a, November thla chhungin Pu H. Vanlalvena emaw Tv R. Lalrinngheta te hnenah copy 3 theh luh tur a ni e.
@ Ni 20.10.2012 (Inrinni) khan Thutthlengsei siamin hruaitu hnatlang an nei.
@ Section huam chhunga NO PARKING AREA-a motor dah an la awm reng mai chu tha an ti lova, dah tawh lo turin an inhriattir leh a, la dah lui an awm chuan motor number leh a neitute hming YMA AW lamah an tilang zel tawh dawn.
CHAWNGBAWLA SECTION
@ Ni 23.10.2012 (Thawhleh) zan dar 7:00 hian section committee meeting tum a ni a, he committee-ah hian Section Project, Sangha zawrh leh tul dangte ngaihtuah a ni ang.
@ Section sum tuaknana an sangha zawrh lo leisaktu zawng zawng chungah lawmthu an sawi. Sangha man hi Pu Lalruatsanga Fin.Secy hnenah thehluh zel tur a ni tih bial vawngtute an inhriattir.