@ Ni 2. October. 2012 zing khan Faina ni denchhen in Section huamchhung ah Faina hnatlang YMA member leh YMA Chhang te nen neih a ni a, mi 50 chuang thawhchhuah a ni.
@Hnatlang Squash leina tur Rs 200 Pu Lalzawma leh kuhva leina tur Pu Lalnunhlima (sena) ten an pe chu an lawm hle.
@Ni 23/9/2012 leh ni 2/10/2012 khan Section huamchhunga damlo Damdawiin a awm te mi 4 section hming kan a ni. Damlo kan nan hian Rs 900 senral a ni.
@Kumin chhunga Section project pakhat No bawn sawm (10) chu memberte in pekna a zarah lei thar a ni.
TAITESENA SECTION
@ Ni 2.10.2012 khan Faina hnatlang a ni a, hnatlanga thawkchhuak zawng zawng chungah lawmthu an sawi. Pu R. Thangdailovate chhung chuan bawlhhlawh paihnan an motor an thawh chhuahpui a, an chungah an lawm hle.
@ Tunkar hun remchangah Section Committee meeting tum a ni.
@ Tunkar ral ta khan sum tuakna lung thiar hnatlang neih a ni.
KHUANGCHERA SECTION
@ Ni 2.10.2012 (Thawhleh) zingkar khan Faina Hnatlang an nei a, hnatlangah hian YMA leh YMA Chhang member 100 chuang an thawk chhuak a, hnatlang zawng zawng chungah lawmthu an sawi. Hnatlangte in tura squash hhawpsak tu an Leader nupui Dr Ramchangliani chungah lawmthu an sawi.
@ Hnatlangin an tihfai lai leh tihfai hmabak, mahni inbul theuhte lo tifai chhunzawm turin chhungtinte an chah
@ In luah tur neite in luahtir turah fimkhur leh zual turin an inngen a, khawtlang tana hnawksak thei tur mi chu hnar ngam turin an ngen.
@ Hruaitu zawng zawngte Ram leh Hnam humhalh thupui neitu, pawl hruaitu kan ni tih hre thar leh theuh turin veng chhunga mawhphurhna lian tak kan nei tih i hre thar leh ang u.
CHAWNGBAWLA SECTION
@ Section sum tuak nan ni 4/10/12 khan Sangha zawrh a ni a, Section nu leh pa leisaktu te zawng zawng chung ah lawmthu an sawi.
@Sangha zawrh tur tlawmngaia sah saktu Pi Kapi chungah lawmthu an sawi. Tin, hnatlangte thingpui lumsaktu Dr Lalramliana, Pu Zoramthara leh Garage Sangha then nana hman tirtu Pu Vanlalsawma te chhungkaw chungah lawmthu an sawi. Tv Johny Lalthanpuia'n hnatlang te kuhva a tumsak bawk a, an chungah an lawm hle.
@ An member Tv Lalrosiama Zote
s/o Vanlalruata Zote chuan BE (Civil) tha taka a rawn zo chu an chhuangin an lawmpui hle.
@October thla tawp lamah section project ArticleWritting, Essay Writting leh football tih chhoh leh tum a ni a, memberte lo inring lawk turin an inchah.
@Section huamchhunga damlo Pi Lalchhingpuii chu a dam leh thuai an duhsak.
@Chaltlang lei a rawn min leh avangin an Section huamchhunga chhungkaw eng emaw zat chu an riak chhuak a, him taka anmahni in lum an luah leh thuai theih an beisei.
VANAPA SECTION
@ Ni 2.10.2012 (Thawhlehni) zingkar khan section chhungah FAINA hnatlang an nei a, YMA member leh YMA Chhang member thahnem tak an thawk chhuak.
@ An hruaitu Pu Zairemthanga chu eizawnna avangin chhim lamah a zin mek a, dam taka a lo haw leh thuai an duhsak.
@ Oct ni 24 leh Nov ni 3 hian VANAPA DAY (Section Sport) ropui taka neih tum a ni a, YMA leh YMA Chhang member a tam thei ang ber tel turin an in sawm a. He sport-naa tel tum YMA Member te tan a hnuaia hming ziak hnenah hian in pek tur a ni e.
Tv Hmingthansanga -9436195702
Tv R. Lalrinnngheta -9862358337
Tv Lalnunhlima (VPA)-9862344262
Tv David VL Peka -9774781160
Sport-ah hian item chi hrang hrang hmanga inel tur a ni a, member-te tun atanga lo inbuatsaih turin an inchah.
@ Chaltlang kham atanga lung lum avanga harsatna tawk chhungkuate an tawrhpui hle.