@ Hun remchang hmasa berah Section Sport tum a ni, memberte lo in ring lawk turin an ngen. Sport Sub-Committee-te hun remchang hmasa berah thutkhawm an tum .
@ An member pahnih Lalhma-ngaihzuala (Valtea) leh Zoramthanga (Zotea) ten kawppui tha tak an nei chu an lawmpui hle a, hlim taka hun an hman zel theih nan duhsakna an hlan.
@ Ni 8.11.2012 (Ningani) zingkar khan section sumtuakna atan a Sangha zawrh a ni a, hnatlang a thawk chhuak zawng zawng chungah leh tlawmngai a lei saktu zawng zawng chungah Committee chuan lawmthu a sawi.
@ Section member leh hruaitute YMA Activity hrang hrang leh mitthi an awmin Tlaivar, Khawhar in kal leh thlanlaih lam a hma la sauh sauh turin an inngen in an inchah.
CHAWNGBAWLA SECTION
@ Ni 13.11.2012 (Thawhleh) hian High School field-ah Section Sport tur a ni a, he hunah hian Football khelh tur a ni a, member a tam thei ang ber kal tur a ni. House hrang hrang leaderte phei chu kal hma deuh tur a ni.
@ “Pu Chunga Memorial Essay Competition” an buatsaih a, thupuiah “CHANMARI WEST HMATHLIR” (YMA lam atangin) tih a ni. A sei zawng hi thumal 1000 bawr vel tur a ni a, Ni 25.11.2012 aia tlai lovah Section Secretary hnenah theh luh tur a ni ang.
@ Vawiin tlai Dar 3.00 hian Pu C. Sangpuia inah Section hruaitute inhmuhkhawm tur a ni e.
@ An secretary Tv. H. Lalrinmawia chu Youth Festival hmangin Itanagar-ah a zin mek a ni.
@ December thla hian Section Project closing function, beat contest, solo competition hun hman tum a ni a, hma chak zawka lak a nih theih nan sub- committee an din a, chairman-ah Pu oh! Tv B. Lalsawmzuala leh Secretary-ah Pu Lalbiakzuala Sailo an ruat a, anni hian Section OB bakah member mi panga an ruat dawn a ni.
VANAPA SECTION
@ Ni 10.11.2012 (Inrinni) khan nilengin High School Field-ah Vanapa Section Sport (Day 3)an hmang a, member-te an hlim tlang hle.
@ Pi Ramhluni m/o Tv Vanlalhriata chu a ban a tliak a, a dmam leh thuai an duhsak hle.
@ Oct - Dec atana OB In Charge, Pu RL Thanhnuna, Branch Secy, an nei chu an lawm hle.
@ Chhungtinte mahni in leh a vel vawngfai theuh turin an inchah a, bawhhlawh paih motor-ah chauh bawlhhlawh paih thin turin an inhriattir.
@ Dec Ni 7 zana neih tur VANAPA NITE atan an inbuatsaih mek.
@Vanapa chanchin (Essay) ziak zo tawhte chuan Pu H. Vanlalvena emaw Tv R. Lalrinngheta te hnenah copy 3 thehlut turin an inhriattir.
@ Dec Ni 7 zana neih tur VANAPA NITE atan an inbuatsaih mek.
@Vanapa chanchin (Essay) ziak zo tawhte chuan Pu H. Vanlalvena emaw Tv R. Lalrinngheta te hnenah copy 3 thehlut turin an inhriattir.
KHUANGCHERA SECTION
@ Ni 29.11.2012 atanga Ni 04.12.2012 chhung hian Sport hmanga intihhlimna neih an tum a. Hetiang hian Group then a ni: Lalrinmawia Pawl - Colour : Red,
VL. Huma Pawl - Colour : Green, K.Darthantluanga Pawl - Colour : Yellow,
H. Laltanpuia Pawl - Colour : Blue
Item neih tum te chu:
Indoor Games : Volleyball (W&M), Solo, Group singing, Extempore Speech, Faifuka inzaisiak, Hlado chham
Outdoor Games : Football (M), Throwball (W), 100m Race (M&W), Group Race, Ketaminu Race(W)
Member zawng zawng tel thei vek tura lo inbuatsaih turin an inhriattir.
@ Bungraw hmangtuten a dahna hmunah felfai taka dah leh thlap turin an inngen.
@ Section huam chhunga dawr nei zawng zawngte puak thei thil zuarlo turin an inhriattir.
@ Rukruk venna pakhat atan chhungtinte pawn light chhi tlaivar turin an inngen.
@ Tunkar hun remchangah Section Committee meeting tum a ni a, memberte hunawl lo insiam theuh turin an ngen.
TAITESENA SECTION
@ Ni 15.11.2012 (Ningani) zan dar 7:00 hian 'Khawtlang nun siamthat chungchanga nu leh pa te leh thalaite mawhphurna' tih thupui hmangin Pu C. Sangkhuma in chungah inkawmho tum a ni, section chhung nu leh pa te leh hruaitute chu kim taka kal turin an ngen.
@ Ni 15.11.2012 zana meetingah hian Branch hruaitute leh YMA Aw Editorial Board te an sawm.
@ Ni 15.11.2012 zana hun an hman tur hetiang hian programme duan a ni:
Hruaitu - Pu R.K. Rozidinga, Leader
Hunserh - Nl. Lalthlamuanpuii, Trea
Paper Present - Pu C. Lalzarliana, Branch Treasurer/OB incharge
Sawihona hun buaipuitu - Pu C. Lalmuankima, Asst. Leader
Coffee tui tak inho a ni ang.
@ Ni 15.11.2012 zing karah hian hruaitute Pu C. Sangkhuma in chungah hnatlan tur a ni.
@An hruaitu Pu C. Zonunsanga nupui Pi Lalremtluangi Ni 8.11.2012 a Aizawl Civil Hospital-a rilphir paih chu dam taka a lo chhuah ngei an beisei.
@ An section bungruate enfelin list fel tak siam a ni a, incharge ten uluk tak a enkawl zui turin an inhriattir.