@Ni 28.10.2012 (Chawlhni) tlai khan section huam chhunga damlo chhungkaw 2 te kan an ni. Hemi hnu hian Section chhung a pem lut tharte tlawh chhuah a ni a, Duty chhunzawm nghal a ni.
@ Ni 3.11.2012 (Inrinni) khan nileng a thuthleng rawng kah hnatlang neih a ni a, hnatlang a thawk an tha hle a Committee chuan lawmawm a ti hle.
@Ni 8.11.2012 (Nilaithawhtan) khian sumtuakna atan section huam chhungah Sangha zawrh a ni dawn a, KG 1 Rs. 150 /- a ni ang. Section memberte tlawmngaih chhuah a lei ngei tur a ngen in ni e.
@Section chhunga house number leh name plate nei lote siam mek zel a ni a, hmaihpalh kan awm a nih chuan hruaitute hnenah report theih reng a ni.
@Hun remchang hmasa berah Section Sport neih tum a ni a. Hmalak chhoh mek a ni.
@Tui a vang leh tan ta hle mai a. Zuangtui khurah insuk, inbual, motor sil, tui Pipe. etc,. khap tlat a ni.
VANAPA SECTION
@ Ni 3.11.2012 (Inrinni) khan nilengin Indoor Stadium-ah Vanapa Section Sport an nei a, member-te an hlim tlang hle.
@ Ni 10.11.2012 (Inrinni) hian High School Field-ah Section Sport chhunzawm leh tur a ni a, member zawng zawng he sport-a tel vek tur hian an insawm.
@ Sport neih leh tur atan hruaitute mahni Group member-te sawm vek turin an inchah. Ni 10.11.2012 (Inrinni)a Sport Items neih leh turte:
a) Football b) Relay race c) Inhruipawh d) 3-Legged race e) Sack race f) Bamboo race
@ Chhungtinte mahni in leh a vel vawngfai theuh turin an inchah a, bawhhlawh paih motor-ah chauh bawlhhlawh paih thin turin an inhriattir.
@ Ni 30.10.2012 (Thawhlehni) khan nilengin Fatu-in an inhlawh a, inhlawhna siamsaktu Pu C. Thanchungnunga chungah lawmthu an sawi.
@ An member Nl C. Lalruatkimi chuan ni 2.11.2012 (Zirtawpni) khan Mission veng lamah Pasal a neih san a, an ui viau rualin an lawmpui hle.
@ Nl C. Lalhruaitluangi (Mami) damlo chu a that chhuah thuai an duhsak.
@ An section member-te tan VANAPA NITE pualin Vanapa Chanchin inziahsiak (Essay writing) an buatsaih a, November thla chhungin Pu H. Vanlalvena emaw Tv R. Lalrinngheta te hnenah copy 3 theh luh tur a ni e. Lawmman tha tawk tak siam a ni ang.
KHUANGCHERA SECTION
@ Ni 27.10.2012 (Inrinni) khan YMA Runah Slub chhun hnatlang an nei a, hnatlanga thawk chhuakte chungah lawmthu an sawi.
@ Vawiin chawhma inkhawm ban hian Sport Organising Committee-te Pu Lalliansanga (Malala) te inah thutkhawm tur a ni a, member-te kal theuh turin an inhriattir.
@ An Secretary te pahnih, ZOFA prog. a Guwahati lama zin pawh dam takin an lo haw leh ta.
@ November thla chhung hian section sport ropui taka neih tur a ni a, member-te theihtawp chhuaha lo inbuatsaih theuh turin an inchah.
@ Section huam chhunga information mike tha lote Property Sub-Comt te’n an siam that sak a, an lawm hle.
CHAWNGBAWLA SECTION
@ Pu K. Sangkhuma hriatreng nan a nupui Pi Thangi chuan Section YMA chu Rs 5000.00 a pe a, a chungah Section Committee chuan lawmthu a sawi.
@ “Pu Chunga Essay Competition” an buatsaih a, thupuiah “CHANMARI WEST HMATHLIR” (YMA lam atangin) tih a ni. A sei zawng hi thumal 1000 bawr vel tur a ni a, Ni 25.11.2012 aia tlai lovah Section Secretary hnenah theh luh tur a ni ang. Essay ziak tur hian memberte an sawm.
@ Ni 13.11.2012 khian member leh YMA chhangte tan Football a intihhlimna buatsaih tum a ni a, a hmun atang High School Field beisei a ni.
@ Section Project hi Ni 13.12.2012 zanah YMA Park-ah a khar tum a ni.
@ Section huamchhungah Krismas Carol hman tum a ni a, a hun atan Ni 19.12.2012 zan an ruat chhin a, Carolnaa sum an hmuh hi Section chhung damlo leh mi harsate pual tan a ni.