@ 2012 YMA Census chu Secretary-in a kawl a, a duh tan en theih a ni a, dahluh hmaih kan awm chuan Section hruaitute hnenah in hriattir turin an ngen.
@ Ni 16.5.2012 khan Section Property atan Gas connection neih thar a ni a, hemi neih theihna tur a hma laksaktu Local Memberte chungah lawmthu an sawi.
@ Ni 13.5.2012 tlai khan Sairang Road Motor Servicing Association te nen inkawmhona leh thingpui in hona neih a ni a, vengchhung thatna tur tam tak sawiho a ni.
@ Section huam chhung hmun thenkhatah Local Council ten Street Light an dah chu an lawm hle.
@ An member Pu Lalthapuia Sailo an member-in a boral san chu an ui hle a, a chhungte an tawrhpui hle.
@ An hruaitu K. Lalrinsangi’n Bawngkawn a pasal a nei chu an lawmpui hle.
@ Section huam chhung a ualau taka ZU in thinte in tawh lo tura hriattir in ni e.
KHUANGCHERA
@ YMA chhang te an pual thil tihna reng rengah thawkchhuak vek thin turin an ngen.
@ Tunkar thawhleh zanah BP check hnatlang neih tum a ni a, member-te thawkchhuak vek turin an inngen.
@ Tunlai Section huam chunga muanna awm mek chu lawmawm an ti hle. Hetih lai hian hruaitu duty neih thin erawh chu kalpui zel tum a ni.
@ Inluah tur neite’n inluahtu turah fimkhur zual turin leh vengchhung hmai tibal theitu tur in luah tir lo turin an inngen tak meuh a ni.
@ Inter Branch Basketball tournament neih meka Branch Basketball team-ten hnehna an chang zo lo chu pawi anti hle, veng tana pasaltha te an chhuangin an kal leh zelna turah duhsakna an hlan. Tunkar thawhleh a branch football teamte inkhel chu en theuh turin an inngen a, an chak ngei theih nan duhsakna an hlan.
VANAPA
@ Pu Hmangaihzuala c/o Pi Sanglianthangi chuan YMA Buk saknan leh Sport-naa hman atan Rs 2000 chu section kaltlangin a rawn thawh, a chungah an lawm hle.
@ Lalrinzuali c/o Pi Rosiami chuan HSSLC-II Div ah a pass a, an lawmpui hle.
@ An Leader Pu VL Thakima, hruaitu Pu Francis Lalrindika (Sena), section member Tv Isaac VL Peka, Tv R. Laltlansanga, Tv Lalchhanhima, Nl Helen Irene-i te Arunachal Pradesh (Basar)-a North East Cultural Festival hmang te pawh dam takin an lo thleng leh ta.
@ Ni 12.5.2012 (Inrinni) zingkar khan YMA Chhang te’n Section chhung thenfai hnatlang an nei a, YMA chhang member thawk chhuakte chungah leh rawn kaltirtu nu leh pate chungah lawmthu an sawi.
@ An section hruaitu leh member, Branch YMA tana Football khel turte theihtawp chhuah turin an ngen a, duhsakna an hlan.
TAITESENA
@ An Leader hna thila zin chu dam taka a lo haw leh thuai an duh hle.
@ An Section huamchhunga damlote an dam leh thuai an duhsak hle.
@ Chhungtinte in leh a vel vawngfai leh zual turin an duh.
@ Hun remchang hmasa berah meeting koh tum a ni.
CHAWNGBAWLA
@ Ni 12.5.2012 khan YMA chhangte section chhung tifaiin an hnatlang a, hnatlanga thawk chhuak te chungah lawmthu an sawi.
@ Basketball team chak lo chu pawi an ti hle a, football-ah chuan an chak chhoh zel an duhsak hle a, tunkar thawhleh a inkhel tur pawh en theuh turin an inngen.
@ Inluah tur neite’n inluah turah fimkhur zual turin leh vengchhung hmai tibal theitu tur in luah tir lo turin an inngen.