@ Ni 6.5.2012 zanah khan Sairang road-ah Zu litre 300 vel man a ni a, Zirtawp tlaiah pawh khan sap zu 6 bottle man a ni leh bawk a, section chhungah hetiang ang man tur awm thin hi pawi an ti hle.
@ Ni 13/5/2012 tlai hian Section YMA hruaitute leh Sairang Road Motor Servicing Association te nen Pasaltha Neuva Inah inkawmho paha thingpui in ho tum a ni a, section hruatute kim taka kal tur a ni.
@ Sarah Lalduhawmi damlo chu a dam leh thuai theih nan duhsakna an hlan.CHAWNGBAWLA
@ Kawipuia Gas la turte tana hriat tur Gas extra chan dan tur : Gas sem hnuhnun ber tuma eng emaw harsatna emaw rokhawlhna avanga la thei lo an awm chuan sem leh hunah duhsak hmasak an ni ang a, a bak chuang a la awm anih chuan a number indawtin sem thin a ni ang.
KHUANGCHERA
@ Ni 6.5.2012 (Pathianni) tlai khan section huamchhungah Rakzu man a ni, section huamchhungah hruaitute Duty thin a ni a, mipuite tawiawmna an ngen.
@ Section member veng tana Basketball leh Football khel turte thahnemngai taka practise turin an chah.
@ Hun remchang hmasaah Zawlbuk leilaih hnatlang (sumtuaknan) koh tum a ni a, member atam thei ang ber thawkchhuak turin an inngen.
@ Ni 12.5.2012 (Inrinni) zingkar khan YMA Chhang leh hruaitute’n Section chhungah fanai hnatlang an nei.
@ Member tina Rs 10 khawn chu zawh fel tawh a ni a, chutih rual chuan, member thenkhat thawh duh ve lo an lo awm chu section chuan tha lo a ti hle.
@ An hruaitu Nl Zosangzuali leh member thenkhatte chu ZCC hmingin Arunachal Pradesh (Basar)-ah North East Cultural Festival hmang turin a thang mek.
VANAPA
@ An Member Pi Juliet Lalengkimi chu National Arm Wrestling Championship neih zawh takah a weight category-ah 3-na niin, National Referee-ah a tling nghal bawk.
@ An Section chhungah Zu thahnem tak man a ni chu pawi an tiin hetiang hi thleng tawh lo se an ti hle.
@ An hruaitu Tv Vanlalhriata, Pu R.Vanlalsawma leh Pu Lallianzauva te Life member thar an ni.
@ Nl. K.Zonunmawiid/o K. Lawmsanga chuan HSSLC-a pass thar.
@ An Leader Pu VL Thakima leh an hruaitu Pu Francis Lalrindika (Sena) te chu Arunachal Pradesh (Basar)-ah North East Cultural Festival hmang turin a thang mek.
@ Nimin zingkar khan YMA Chhang ten Section chhung thenfai hnatlang an nei.
TAITESENA
@ Section hruaituten mahni bial theuhah House No leh Name plate la nei lote zawn fel thuai tur a ni.
@ Section chhunga chhungkawtinten mahni in vawn fai theuh tur a ni.
@ Nimin zingah faina hnatlanga YMA chhang thawk chhuak zawng zawngte chungah lawmthu an sawi.