@ Dt 8. March . 2012 zan khan OB Incharge Pu Lalzarliana hovin Section Committee vawi hnihna thut a ni.
@ Kristian Hlabu leh Thu thulungthar Branch YMA Asst. Secretary Tv Zairemmawia leh Pasaltha Neuva In a dahtur (Kumin chhunga an project pakhat) Notice Board Section Committee member Pu HVL Zasanga ten Section tan an rawn pe chu an chungah committee chuan lawmthu a sawi.
@ Section property Incharge atan Pu Vanlalvuana leh Tv Ricky Lallawmkima te ruat an ni.
@ Thatni bikah section Bungraw hawhtur leh dahtur reng reng ten zing dar 9:00 hma leh tlai lam dar 3:00 hnulam ah hawh a dah thin tur a ni.
@ Dt 13. March.2012 (Thawhleh) zan dar 7:00 khian vengchhung ah Passport photo siama hnatlang neih tur a ni a, chhungtin hnenah passport photo lo siamtir theuh turin an ngen. Dawr rate aia tlawmin photo 4- Rs 30 leh photo 8 - Rs 40 a khul tur a ni ang. He hnatlangah hian Section member zawng zawng thahnem ngaia thawk chhuak theuh turin an ngen.
@ Hun remchang hmasaah Blanket suk a hnatlang neih tum a ni a, Chhungtin ten Blanket suktir theuh turin an inngen.
@ Section Gas Cylinder a awmna chin hriat a ni lova, a hria chuan hruaitute hriattir theih nise.
CHAWNGBAWLA
@ An section member a mamawhtute tana phal taka thisen petu te zawng zawng chungah lawmthu an sawi.
@ An member Nl. R Lalawmpuii (Mapuii) d/o R Thansanga chuan Pi ni turin ni 8th March 2012 khan Kulikawn lamah kawppui duhawm tak a nei ta chu an lawmpui hle.
@ An section a in luah tur neite’n pem lehkha ngai pawimawh hram turin an inngen a, pem lehkha felfai tak nei lo te chu in luah tir lo thei se an duh hle.
@Section mipuite in leh a vel vawngfai thin turin an inngen a, kawngpui bula awmte phei chu vantlang kawngah motor silna leh lusukna tuite luan tir lo turin an in ngen.
@ Zanrei tak tak thleng a kawipui vel a tlangval awm thinte a bul vela awmte tan a bengchheng siam lo tur leh buaina siam lo turin an in hriattir.
@ Karleh ni 13.3.2012 thawhtan zan khian meeting neih tum a ni a, hruaitute hunawl lo insiam turin an in hriattir.
TAITESENA
@ Ni 6.3.2012 zan khan section Committee meeting neih a ni a, thu pawimawh tak tak rel a ni.
@ Ni 8.3.2012 a Branchin thisen pek runpui a buatsaiha thisen petute chungah lawmthu an sawi.
@ Ni 9.3.2012 zan khan kuang duan leh YMA buk septic tank thara tui paih hnatlang neih a ni.
@ Hruaituten mahni bial theuhah YMA chanchinbu la tur zawna, Ni 18.3.2012 ral hmain a la duh turte section secretary hnenah hriattir tur a ni.
@ Budget Rs 5000 chu member-te thawhrimna a zarah tlak fel a ni.
KHUANGCHERA
@ Chhiatni fund khawn zawh thawkhat tawh a ni a, la pe remchang lote pawhin a rang lama pe turin an ngen.
@ Bial vawngtuten mahni bial theuhah Electric leh Tui bill thahnemngai taka khawn zel turin an inchah.
@ Ni 8.3.2012 (Ningani) a Branch YMA in thisen pek runpui a buatsaiha thisen petute chungah lawmthu an sawi tak meuh meuh a.Hruaitute hmel a lang tam lo erawh pawi an ti hle.
@Section chhunga ran vulhtuten mi dang tan hnawksak lo tura an ran vulhte khuahkhirh hram hram turin an inngen.
VANAPA
@ Ni 8.03.2012 zan khan Pu PC Lalawmawia te inah meeting neih a ni.
@ A mamawh apiangte tana Thisen pe tur a inphal hming pe 72 lai an awm chu lawmawm an ti takzet a, Section atanga nula, tlangval bakah nu leh pa eng emaw zat thisen petu te an chhuang hle a ni.
@ Chhiatni thatni a hman tur Gas Connection a nei thar a, a buaipui saktu Pu F.Zosanga Local Council Chairman chungah lawmthu an sawi.
@ Bial 9-na (Pu F.Lalate in bul) a bawlhhlawh paih an la awm reng mai chu section committee chuan pawi a tia, helai hmuna bawlhhlawh paih a nih tawh loh nan Branch YMA-ah thlen a, a tul anga hmalak zui tum a ni. A paih thinte pawhin mi tana hnawksak leh hlauhawm anih avangin paih tawh lo turin an hriattir.
@ Section chhunga in leh lo neite hnenah leiman leh chhiah pea in inhlawh tum a ni.
@ Chhiatni Fund chhungka 264 atangin chhungkaw 89 ala lut loa a hruaitu ten khawn hmanhmawh tur leh la pe lo ten lo ngaipawimawh turin an in chah.
@ Section leader Pu VL. Thakima chu a dam sam lo.