@ Ni 12.6.2012 zan khan YMA flag zawrh hnatlang neih a ni a, hnatlang a thawkchhuak zawng zawngte chungah leh tlawmngai a YMA flag leisaktu zawngte chungah lawmthu an sawi.
@ Ni 14.6.2012 zingkar khan Faina hnatlang neih a ni.
@ Ni 15.6.2012 a YMA day function chu Seasonz picnic spot, Sihhmuiah hman a ni a. He hunah hian kum 2012 a HSLC leh HSSLC pass tharte lawmpuina thilpek hlan an ni a. Veng players-te certificate hlanna hun hman a ni bawk. Member 100 vel he YMA yay function-ah hian an tel a ni.
@ Ni 13.6.2012 a boral Pu K Sangkhunma chu an ui hle a, khawhar chhungte an tuarpui hle.
VANAPA
@ Ni 12.6.2012 (Thawhleh) zan khan section chhungah YMA flag zuarin an hnatlang. YMA flag 260 vel an hralh na atangin Rs 6850 an hmuchhuak. Flag leitute chungah lawmthu an sawi.
@Tlawmngaia YMA flag thuisaktu Pi Athuami w/o Pu T. Sangkhuma, Pi Dawngtei w/o Pu H. Lalrammawia Pi Ruati w/o Pu R. Lalrammawia te chungah an lawm hle.
@YMA day lawmnana in chung phal taka hmantirtu Pu Ngulliana, Lap top leh Electric hmantirtu Pu H. Lalfakawma, Silpaulin petu Pu Rothuama, buhfai bag 1 thawhtu Pu Thlangdikan chungah leh Sound system (Cambo)hmantirtu branch YMA chungah lawmthu an sawi.
@YMA day lawmnaa zaithiam Nl Ramtei, Nl Bzi, Tv Mafela, Tv Nghaka leh Tv Muanpuia te chungah an lawm.
@YMA day pualin section chhunga damlo mi 12 hnenah damlo kan nan Rs 6000 lai an sem.
@Ni 9.6.2012 (Inrinni) a section chhung kawngpui siam that hnatlanga bungrua leh sum leh paia tanpuitute chungah lawmthu an sawi.
1. Pu Roluahpuia - balu 2. Pu Mawizuala - balu
3. Tv Zothankima - balu 4. Pu T.Lalremruata- cement
5. Pu H. Lalrammawia- pawisa 6. Pu Lalremmawia - pawisa
@Pi Lalramngaii (Ngaitei) w/o R. Vanlalneia leh Ruthi d/o Pu H. Vanlalvena te damlo chu an dam thuai an duhsak.
@Nl RK Lalthlengliani d/o Pu R. Kawlkunga chuan B.Ed tha takin a pass a, an lawmpui hle.
TAITESENA
@ Ni 15.6.2012 (Zirtawp) zingkar khan YMA day denchhenin section chhungah faina hnatlang a ni a, member 80 vel an thawkchhuak a, hnatlang thawkchhuakte, thingpui tui tak lumsaktu Pu Lalzirliana leh Pu Lalthankimate chhungkua leh theitui siamsaktu Pi Lalringliani chungah lawmthu an sawi.
@ Hnatlanna a bawlhhlawh tlawmngaia paihsaktu Pu Lalremmawia leh YMA day denchhena section-in flag a siam tlawmngaia lo leisaktu chhungtinte hnenah lawmthu an sawi.
@ 77th YMA day chu Indoor stadium -ah hlim taka hman niin member 85 bawr vel zet maiin he ni hi an hmanga, chhun lamah sawhchiar leh theitui eia in in infiamna hrang hrang nen YMA day hi hman a ni.
@ YMA day hmanna a ei leh in tlawmngaia buatsaihsaktu fatute chungah lawmthu an sawi takzet.
@ YMA day hman nana hmunhma phal taka hmantirtu Indoor stadium management committee chungah lawmthu an sawi bawk.
@ YMA day pualin section chhunga damlo mi pathum hnenah kanna sum an hlan.
@ Chhungtinte mahni in leh a vel vawngfai chhunzawm theuh tur leh kawngpui dunga awmte a bikin tan la zual sauh sauh turin an inchah a, hetih rual hian bawlhhlawh a paihna hmun tur dik taka paih theuh thin turin an inchah nawn leh bawk.
CHAWNGBAWLA
@ YMA Day chu khawchhe hnuaiah member 300 vel zetin Zawlbukah hlim takin an hmang a, an member chawimawi awm chu parthi awrhtir a chawimawi an ni a, YMA AW semtu leh mitthi buhfai khawntu pawh he hunah hian lawmpuina pek an ni. Vengchhung leh pawn atangin band thiam tak tak, Apple, Stacy Penitence leh DO5 ten mipui an awi a. Mizo inchei a incheiin, inchei mawi berah Nl C. Lalchhandami leh Lalmalsawmate chu thlan an ni. Lawmmanah Pen drive 4gb pek an ni a, hei hi crown computer-te thawh a ni. Sawhchiar pirho a ni a, ban dawnah chhawnghnawtin hun hlimawm tak an hmang. Pu C Ngurchhawna leh Pu R Rokimate chhung in Rs 500/- ve ve an pe a, mimal hmanrua hman tirtute leh lirthei hman tirtu Pu Lalrinchhana (Mapuia) te chungah lawmthu an sawi bawk.
@YMA day denchhenin zingkarah faina hnatlang a ni a, memberte an kal tha hle, Pu Lalbiakthanga Khiangte-in a motorin bawlhhlawh a paihsak a, a chungah an lawm hle.
@Section project chu kalpui tan a ni a, Ni 21.6.2012 (Zirtawp) hian high school field-ah football khelh tum a ni a, Mipa, hmeichhia leh YMA chhang ten football hi an khel dawn a, intihsiakna atan hian memberte chu group 4 (li) ah then an ni, group khatah hian hruaitute an awm a, a dang pathumah hian memberte chu an bial thumah then an ni. Section bial 1,2 leh 4 chu yellow house an ni a, bial 3,7 leh 8 chu blue house an ni a, bial 5,6 leh 9 chu green house an ni a, tichuan hruaitute chu red house an ni. Section project-ah hian an New horizon leh springdale school te chu an tel ve dawn a, house hrang paliah thenin group tinah hian an awm theuh dawn a ni. Member ten he sports hi ngai pawimawh a, kal theuh turin an inngen. Tiffin leh tui pai theuh bawk tur a ni.
@Pu A Biaklawma'n silpaulin tha tak pahnih a pe a, Pu Rothuama pawhin silpaulin pakhat a pe bawk a, an chungah section chuan lawmhu a sawi.
@An section Pa, Pu K Sangkhuma chuan Ni 13.6.2012 khan astma natna vangin a boral a, an uiin a kalsan tak a chhungte an tuarpui hle.
@Nl VL Malsawmi Colney chu section committee member atan ruat a ni a, committee member tha tak an nei thar hi an lawm hle.
KHUANGCHERA
@YMA day zingkara faina hnatlanga thawkchhuak member leh YMA chhangte chungah lawmthu an sawi.Chhungtinte faina lama hma la chhunzawm turin an inchah.
@YMA day hmanpuitu Pu F. Zosanga, Chairman Local Council leh Pu T. Ngurkhuma, president CWBYMA te chungah an lawm hle.
@YMA day-a tar tur YMA flag lo leisaktu zawng zawngte chungah lawmthu an sawi.
@YMA day hman nana School hmantirtu middle school headmaster leh staff-te chungah lawmthu an sawi.
@Section chhunga damdawi ruih chingte chu YMA duty ten dim an tum lo tih an hriattir.
@Section-in thela (nawrlirh) thar siam an tum chu a ke leh a za alo thleng tawh a, remchang hmasa berah a body siam tum a ni a, hman theih thuai an inbeisei.
@YMA flag thuinana phal taka puanthui khawl thawhchhuah-puitu Nl Zoramthari leh Nl Zosangzuali (Zitei) te chungah an lawm hle.
@Hnatlangte hnimsam, motor-a paihsaktu Pu Terema (T-sect) chungah an lawm hle.