@ Ni 5.6.2012 leh 6.6.2012 zan khan khan Flag siam a hnatlang neih a ni.
@ Hriselna Bu Stamp leh Address bel hnatlang neih thin ani a, Section inhlawhna hmuhsaktu Pu Lalremruata chungah lawmthu an sawi.
@ Section Picnic neih tum ani a, kal tumte chuan Secretary hnenah Ni 17.6.2012 hma a Buhfai no 2 leh Rs. 50 /- keng a in report tur a ni.
@ Kar leh hun remchangah Flag zuar a hnatlang neih tum a ni a, member a tam thei ang ber hnatlang turin an in ngen.
@Vodafone Cup Inter Branch YMA Football Tournament neih zawh takah kan Branch YMA Team te Pahnihna an ni chu an lawm a, Branch aiawh a khel thei Tv. Robert Zoramthara leh Tv. R.Zoramthara te chu an chhuang hle.
@ Section hruaitu leh member hnatlang a thawkchhuak thin te chungah lawmthu an sawi a, Branch leh Section activity hrang hrnagah tan la leh zual turin an in ngen a ni.
VANAPA
@ Ni 7.6.2012 (Ninga) zan khan Leader- inah committee an nei.
@ Ni 8.6.2012 (Zirtawp) zan khan YMA Flag thuiin hnatlang an nei a, Puanthui khawl leh dawr hmantirtu Pu H. Vanlalvena te chhungkaw chungah an lawm hle.
@ Ni 9.6.2012 (Inrinni) khan nilengin section huam chhungah hnatlang an nei. Hnatlang tanpuina petute chungah an lawm hle. Tanpuina petute:
1 Pu L. Romawia - Rs 200
2 Pu H. Lalchungnunga - Rs 200
3 Pi Rosiami - Balu (Tin 4)
4 Pu Laltanpuia (TPA) - Cement
5 HD Zorinpuia - Rawra
6 Local Council-Cement (Bag 1) leh balu (tin 8)
7 Pi Lungtiawii - Thingpui min lumsak
OB In charge Tv Zairemmawia’n nilengin hnatlang a tawiawm a, an lawm hle.
@ An Section Assistant Secretary atan Tv Zothankima ( Atea) thlan thar a ni.Pu R.Ramlawma leh Pu C.Vanlalsanga te Committee member atan ruat thar an ni bawk.
@ YMA Day lo thleng turah zingkar ah Section-ah Faina hnatlang neih tur a ni a, Member-te leh YMA Chhang te bakah Nu leh Pa, a thei apiangte hnatlang turin an insawm. In tinah YMA Flag Rs 20/- in zawrh a ni dawn a, lo lei sak a, lo tar theuh turin chhungtinte an ngen.
@ Pi Rualchhani damlo in lamah an inenkawl mek a. Pu C.Lalnunmawia Aizawl Hospital-ah a awm mek bawk.
@ An Section chhunga lung lumin Pi Vanlalmuani in a delh chhiat siamthat hnatlang Local Council kaihhruainain Section YMA nen neih a ni a, Bialtu MLA Pu Lalthanzara'n Rs 5,000/- Er R.Lalthazuala Rs 500/- Pu Lalchhandama Ralte Rs 1,000/- Pu H.Lalchungnunga (Machunga) Rs 500/- Pu Lalbiakthanga Khiangte (SP) Chini, Pu Lalzirliana Chini, Pi Zamveli Rs 300/- Pu C.Lalnunmawia Rs 500/- leh midang dang ten hnatlang leh chhiat tawk te tanpuina an pe a, an chungah an lawm takzet .
@ Ni 7.6.2012 (Ningani) nileng khan Property sub Committee-te’n an Section information mike chhe siamin hnatlang an nei a, an chungah Section in lawmthu a sawi.
@ An Section hruaitu, YMA Chhang incharge Tv David Vanlalpeka chu Synod Choir-a a bass sa turin ruat a ni a, an chhuangin an lawmpui hle.
TAITESENA
@ An member Tv Lalchhuanawma’n a boralsan chu an uiin, khawhar chhungte an tuarpui hle.
@ Ni 15.6.2012 (Zirtawpni) dar 11:00 hian Indoor Stadium-ah YMA Day hlimawm taka hman tur a ni a, member-te kal theuh turin an inngen.YMA Day lawmnaah hian intihsiakna hlimawm tak tak leh lawmman siam tura ni a, ei leh in tuihnai tak buatsaih a ni ang. an a
@ Faina chungchanga Circular an siam chu chhungtinte ngai pawimawh a, tan la zual sauh sauh turin an inngen.
@ 17th Inter Branch YMA Football Tournament a Chanmari West Branch YMA-in lawmman 2-na a la thei chu an lawm hle. Player-te leh veng mipuite chungah lawmthu an sawi.
CHAWNGBAWLA
@ Kum 2012 YMA Day hlimawm taka hman tum a ni a, zing karah Faina Hnatlang YMA Chhang member-te nen neih a ni ang a. Chhun 11:00 ah YMA Park-ah Programme hlimawm tak tak hman a ni ang. YMA member leh YMA Chhang member-te kim taka kal turin an inchah, ei tur tuihnai tak buatsaih a ni ang.
@ Section Project-atan a hmasa berah Ni 21.6.2012 (Ningani) hian High School Field-ah mipa leh hmeichhia tan Football Tournament khelh tur a ni a. Hetah hian section chu Group-4 ah then a ni a, member-te lo in buatsaih turin an inhriattir. Heti ang hian Group then a ni:
Group-1- Section hruaitute
Group-2-Bial 1, 2 leh 4
Group-3-Bial 5, 6 leh 9
Group-4-Bial 3,7 leh 8.
YMA Day-ah Group colour tur pawh a ni ang.
@ Pu R. Lalhmingthanga in bul tuikhur a inbual, insu leh bike sil thinte kha phal loh a nih avangin tun chinah chuan ti tawh lo tura hriattir in ni e.
@ Section hnatlanna atana in phal taka hmantirtu leh ei tur tuihnai tak hlui thintu Pi Lalrintluangi (RTS) te chhungkaw chungah leh taima taka hnatlanga thawk chhuak thinte chungah lawmthu an sawi.
@ Chhungtinte YMA Day-a tar tur YMA Flag lei theuh turin an inngen a, tunkar chhungin an rawn zuar dawn a, pakhat Rs 20 man tur a ni ang.
@ Pu R. Thansanga (L) te chhungkuain section hnenah Tea Urn (20 lit) an pe a, an lawm hle.
KHUANGCHERA
@ Ni 5.6.2012 (Thawhleh) zan khan Committee neih a ni a. Thu pawimawh tak tak rel a ni.
@Ninga zan leh Zirtawp zanah YMA Flag siam hnatlang nei a ni a. Hruaitu te hnatlang an kal tha chu an lawm hle.
@YMA Day-ah hian zing kar hnatlang neih tur a ni a. YMA Member leh YMA Chhang zawng zawng te hnatlang theuh turin an inhriattir. Tin, Chhun lamah Infiamna chi hrang hrang hmanga function hlimawm tak YMA Member leh YMA Chhangte tan neih a ni dawn. Sawhchiar tuihnai tak siam tum a ni a. YMA member leh YMA Chhang zawng zawng te ngai pawimawha tel vek turin an inhriattir bawk.
@YMA Day-ah Branch-in In tinah YMA Flag zar tur a tih angin Section huamchhungah YMA Flag cheng 20/- in an zuar dawn a. Chhungkaw tinte ngai pawimawha lo leisak vek turin an inngen
@An hruaitu Pu H.V. Lalthavela hna thila Manipur-a zin chu YMA Day hmang hmana dam taka a rawn haw hman an beisei.
@Vodafone Cup Inter Branch YMA Football Tournament neih zawh takah CW Branch YMA Team te’n Runner’s Up an ni thei chu an lawmpui hle a. Hetiang team ropuia tel thei an member Lalrinchhana(C),Lalremruata, Lalnunpuia leh an hruaitu Zion Lalramluaha leh Asstt. Coach Lalliansanga te chu an chhuang tak zet a ni.