@ Ni 1.6.2012 (Zirtawp) zan khan section committee pawimawh tak Pasaltha Neuva Inah thut a ni.
@ YMA day pualin section chhung in tinah YMA flag zar theuh tur a ni a, flag hi section ten Rs. 20 /- a khul turin zawrh tum a ni. Tin, hemi atan hian Ni 5.6.2012 (Thawhleh) zan hian flag siam hnatlang koh tum a ni.
@ Ni 21.6.2012 (Ningani) hian Section intuaitharna neih tum a ni a, member kal tumten Ni 17.6.2012 (Chawlhni) ral hma in Tv. R. Laltlankima, secretary hnenah Rs. 50 leh Buhfai no. 2 kengin hming pek tur a ni.
@ Vodafone Cup, Inter Branch YMA Football tournament-a Chanmari West YMA-in final a lut chu lawmawm an ti a, champion ngei se an ti.
@ Hruaitute leh member te YMA hmalakna ngai pawimawh turin leh thawkchhuak tam turin an inchah.
VANAPA
@ Kar leh hun remchangah committee koh tum a ni.
@ Pu Remsangpuia te an fapa dam loh avanga Durtlang damdawi Ina awm mek chu dam taka an lo chhuah leh thuai an duhsak.
@ Lung lumin a tih chhiat Pu Zairemthangate in leh Pu Biaksangate in siamthat nan leh hliam tuarte tanpuinana zangnadawmna an dawn theihnana hmalatu Pu Rothuama adviser chungah an lawm hle.
@R. Lalramnghinglovi d/o R. Lalrammawia chuan Cl-XII-Arts (CBSE) 2nd Div ah a pass a, an lawmpui hle.
@ Kumin YMA day chu section-a hman tur a nih dawn avangin hman duh dan leh rawtna neite chuan hruaitute hnenah hriattir theih a ni e.
@ Hruaitute leh member-te hmalakna ngai pawimawh turin an inchah.
TAITESENA
@ Ni 5.6.2012 (Thawhleh) zan hian Section Committee meeting tum a ni a, memberte hunawl lo insiam theuh turin kan inngen e.
@ House No leh Name plate enfel mek a ni a, la nei lo leh nei tha loten hruaitute hnenah hriattir tur a ni.
@ An section chhunga damlote an dam leh thuai nan duhsakna an hlan.
@17th Inter Branch YMA Football Tournament a Chanmari West Branch YMA-in Final an thleng chu lawmawm an ti a, kan champion ngei an beisei.
CHAWNGBAWLA
@ An Life member Pu R. Thansanga chuan ni 28.5.2012 khan a boralsan a, section YMA chuan an uiin, a kalsan tak a chhungte an tawrhpui hle.
@ Pu Chunga (L) in bulah pendrive chhar a ni a, a neitu chuan CH-secretary Tv Mawia hnenah lam theih a ni e.
@ Vodafone Cup 17th Inter Branch YMA Football Tournament a CWBYMA-in Final a thleng chu lawmawm an ti a, player leh coach-te inpeknaah lawmthu an sawi a, Final-ah pawh chak ngei turin duhsakna an hlan.
@ An section member Pu Gordon Zoramchhana chu Services-ah Captain niin Santosh Trophy-2012-ah a team a champion pui a, an lawmpuiin an chhuang hle.