@ Sarah Lalduhawmi d/o Rohlupuii chu Ni 10/7/2012 khan a boral, a kal san tak a chhungte an tawrhpui hle.
@ Local Council thuchhuak angin Zuang Tuikhur ah insuk, inbual, Motor sil leh tui pipe te tilo turin an in ngen.
@ Section hruaitu leh member-te tun aia YMA hmalakna ngai pawimawh leh zual turin an inchah.
VANAPA
@ An section member Nl Zonuntluangi d/o Sailova chuan B.A. IInd Div-ah a pass a, an lawmpui hle.
@ Ni 12.7.2012 zan khan Zawlbuk atangin kuang duansa pahnih an la.
@An section member Tv H. Lalfakzuala’n lehkhabu tha tak “Thu Ngaihnawm Huang” a tlangzarh thei chu an chhuang hle. He lehkhabu hi Rs 160-in a lei theih reng e.
@ YMA chanchinbu man an pe tla thei chu sub-agent Pu Lalfakawma chungah an lawm hle.
@ Section hruaitu leh member-te tun aia YMA hmalakna ngai pawimawh leh zual turin an inchah.
TAITESENA
@ An member Pu C. Lalrinthanga (52) chuan ni 11.7.2012 khan a boralsan a, an ui hle.
@ An Leader Pu RK Rozidinga leh Treasurer Nl Lalthlamuanpuii te damlo chu an that chhuah thuai an duhsak hle.
@Section nula leh tlangvalte chhiatni/thatniah tan la thar leh turin an inchah.
CHAWNGBAWLA
@Pi Vanlalnghaki kum 88 mi chuan min boral san a, a kal san tak a chhungte an tawrhpui hle.
@ Faina kawngah tan la thar zel turin an inchah nawn.
@ Chhiatniah memberte tan la thar turin an infuih a, nu leh pate pawhin kan fate tir thin turin an ngen.
KHUANGCHERA
@Sumtuaknana NLUP signboard an siamnaa a tul anga hmalaksaktu Nl Lalmuanpuii chungah te, YMA hmalakna a nih vanga tlawmngaih chhuaha ziahsaktu Pu Zotea chungah te, rawng kahna khawl hmantirtu Pu Lalrinmuana chungah te, veng chhunga a sem darhna kawnga a tul anga hmalaksaktu Local Council chungah te, an lawm hle.
@An member Nl Angela Lalsangpuii chuan B.Sc tha takin a pass a, an chhuangin an lawmpui hle.
@An committee member Pu Lalrinmuana chuan fanu thar duhawm tak a nei a, an lawmpui hle.
@Ni 14.7.2012 (Inrinni) zingkar khan signboard siam hnatlang an nei a, member thawkchhuak zawng zawngte chungah lawmthu an sawi.
@YMA hmalakna hrang hrangah section hruaitute’n hruaitu an nih ang ngei a, member-te tana entawn tlaka thahnemngai thin turin an infuih thar a. Tin, member-te pawh thahnemngai leh zual turin an inngen.
@Central Road kawng chep laia Motor dah a ni thin chu hnawk an ti hle a, Kawngpui hi mitin ta a nih avangin zah hram turin an ngen.