@ Kumin chhunga an Section Project zinga pakhat Gas thuk lian chu Dt. 28/6/2012 khan an lei.
@ Ni. 28/9/2012 zan khan Section Committee neih a ni.
@ Ni 1/7/2012 (chawlhni) tlai Dar 3:00 pm hian Section huamchhung a pem tharte tlawhchhuahna leh Duty neih tur a ni a, Section hruaitu zawng zawngte Pasaltha Neuva In ah kal khawm tur a ni.
@ Pi Chhuanmawii, Bial - I na tuna Presbyterian Hospital, Durtlang a awm mek chu dam taka a rawn chhuah leh thuai an beisei.
@ Ni 6.7.2012 (Zirtawpni) hian an member Nl R Zothansangi chuan pasal a nei dawn a, hruaitute leh member-te tawiawm turin an inchah
VANAPA
@ Ni 26.06.2012 (thawhlehni) zan khan Pu Gordon Zosangliana te inah Section Committee thut a ni a, thu pawimawh tak tak an rel.
@ Pu K.Rochungnunga'n an P.A Set ama sum sengin a siamthatsak a, a chungah an lawm takzet a ni.
@ An member Tv Lalbuatsaiha'n kawppui tha tak mai a nei thar a an lawmpui takzet a ni, Pu Rothuama'n Section YMA member Fatu te lawmman tha tak mai a pe a an lawm takzet a ni.
@Pu Zorammuana'n IOC hnuaiah hna thar tha tak mai a hmu a, an lawmpui takzet a ni.
TAITESENA
@ Ni 29.6.2012 zanah khan Asst. Leader Pu C. Lalmuankimate rawra thiara sum tuak a ni a, member 13 mipa 11 leh hmeichhia 2 an thawkchhuaka, hnatlang thawkchhuak zawng zawngte chungah lawmthu an sawi.
CHAWNGBAWLA
QUESTIONNAIRE KHAIKHAWMA
Thurawn :
1)Member tlawhchhuah hun siam ni se. Tin member kal ngei ngei na turin infuihtawnna neih ni se.
2)Rinawm tak leh taima takin hna thawk i la, nu leh pa te pawhin kan fate hi duat dan chintawkte hrethar ila, a tha ang.
3)Early to bed and early to rise leh work more talk less hi keini Ch Section thalaite hian a takin kalpui a va tha em.
4)Khawtlang tana mi hnawksakte hi zilhhauin kutthlak thin nise, a bik takin veng dang mi.
5)Buaina siam thinte hi hmangaihna nen enkawl tur. Picnic neih a ngai a ni
6)Section chhungah emaw veng chhungah emaw mahni inah emaw a buaina siam chingte hi section huam chhung a nih chuan hnawh chhuah thin ni se.
7)Kan vengchhung hruiatute hian tun aia chak leh thain hma la zel sela vengchhung a lo nawm lehzual theih nan.
8)Tun aia nasa lehzualin YMA te hian vengchhung titawptu leh timualphotu an awm chuan police kutah hlan zel ila, veng chhung an zah phah ngeiin ka ring.
9)YMA te hian nasa taka tan kan lak rual hian hei aia nasa lehzualin mi veng entawn tlak ni thei turin chhiatni thatni ah tan i la ang u.
10)He khawtlang leh ram hmasawn zel nan mahni theuh kan pawimawh rualin leader emaw section hruaitu dangten hei ai hian tan la thar se.
11)YMA hian a motto tanpui ngaite tanpui vawng nung reng se, a bak hi chu thuneitu dang chan a ni. Huang lo nawr palh hi a hlauhawm hle bawk.
12)Kan khawtlang harsatna siam thintute lakah hian YMA hi hei ai hian bengvar zawk thei se
13)Hma kan sawn zeal a lawmawm hle. Hruaitute hian tun ai hian mi eng ang pawh maite hi biak peih a, thiana siam a,kan tih tlangnel a ngai a ni. Tan I la sauh sauh ang u, hma kan sawn e.
14)Hruaituten mahni section theuhah member te tlawhchhuah thin ni se. Khawhar in kal leh hnatlangah pawh thian neih loh vanga kal loh phah thin an awm thin a, hengah te hian in sawm peih hi tha ka ti.
15)YMA hian kan din chhan dik tak hi hre chiang I la, mi thil tihsual ringawt vei lovin engtinnge kan puih ve theih ang tih hi kan rilru ah awm tlat rawh se.
16)Section chhunga buaina siam thinte YMA AW ah an hming leh pa hming tarlan thin tawh ni se.
17)Memberte leh hruaitute kan inhre pawp tawk lo. Kumkhat chhungin Branch leh Section hruaituten intin tlawhchhuak a, infuihthar kan ngai ta.
18)Kan section hi kan inpawhlo hlawm lutuk, kan chankang mah mah.
19)Branch emaw section hruaituten member tin infuihtharnan intlawh-chhuah theih ni se.
20)Section chhunga talented person kan neihte, art, sport,literature emaw computer ganes pawh ni se, state, national leh international level ah hian promotena kawng a awm tawh tih hriain hmalak ve zel a tha ang.
21)Section chhunga buaina siam thin leh khawtlang tana hnawksak te hi an hming leh pa hming YMA Aw ah mipui hriat turin tarlan thin ni se.
22)Kan veng chhung a bikin kan section in hma kan lo sawn a kan khawtlang a lo thianghlima lungrual tak leh thianghlim taka kan lenza a, hma kan lo sawn deuh deuh theih nan tangrual I la, ka duh khawp mai.
30)Kan pipute tlawmngaihna leh nunze mawi chhawm nun zel.
31)Dan piahlam bakah chuan YMA hi kal loh nise a tha khawp ang.
32)Section hruaituten YMA memberte khawtlang tana tlawmngaih chhuah tur leh awmdan mawi inhrilhhriat fo thin ni se a tha khawp ang.
33)Thawhhona a tha thawkhat viau a, memberte tun aia an tangkai zual theihnan hruaitu tha tak an lo nih chhoh zel theih nan tan lak leh zual ni thei se.
34)Chhiatni bikah tun ai hian Section hruaitute khawhar inah lang tam se la, hruaitu an nih angin an tihtur hlen ngei zel rawh se.
35)Section danga lumen ngai an awm hian, section hruaitute tal hi chu thahnem ngai takin kal thin ni se.
36)Vengchhung ami inpumkhatnan leh tanrual nan hruaituten tan la in ngaihtuah thin se.
37)Zanah pawnler a mi tan ninawm khawpa bengchheng siam ching ho hi, mi inluah an ni emaw mahni ina cheng an ni emaw thleibik nei lovin YMA te hian zihhau rawh se.
38)Chhiattawk an awm changa khawtlang/kohhran a inhmang leh hmang lo thliar hranna niawm deuha kal/tlaivar kan inthlau thei lutuk hi a bik takin hruaitute inenlet a pawimawh.
39)Kan veng chhung a nawma a fai theih nan chhungtinin in leh a vel I vawngfai theuh ang u.
KHUANGCHERA
@An member William Lalremmawia’n kawppui tha tak a nei thar chu an lawmpui hle.
@HSLC leh HSSLC certificate la la lo te’n Secretary hnenah lam vat turin an inhriattir.
@Chhungtinte mahni in leh a vel vawngfai turin an inngen.
@Section chhunga Industry Dept hnuai NLUP dawngtute tana tar tur signboard an siam chu, sorkar duh dan ang ngeia tar turin an inngen.
@An hruaitu Pu Lalrinmuana’n in thar tha tak a din chu an lawmpui hle.