@ Krismas leh Kumthar hlim tak leh buaina liantham awm lo a an hmang thei chu lawmawm an ti a, chhungtinte kumthar chibai an buk.
@ Duty te hman turin Pu C.Lalramdina chuan Rs.2000/- a pe a, Pu Lalchhandama Ralte in Rs 1000/- a pe bawk a, anni chungah hian section chuan lawmthu a sawi. Tin, phal taka duty na hmun tura a in hman tirtu Pu Vana hnenah lawmthu an sawi nawn leh. Taima taka duty te chungah lawmthu an sawi a, pu Lalrengpuia te chhung a tul anga lo buaipuitu te chungah lawmthu an sawi bawk.
NEUVA
@ Ni 5.1.2012 (Ningani) zing khan section Committee neih a ni a, section inthlan chungchang a tih turte rel a ni.
@ Ni 12.1.2012 (Ningani) zana Kum 2012 section hruaitu OB thlanna Pasaltha Neuva In a neih torah YMA member zawng zawng te kal vek turin an inhriattir.
@ An hruaitu Kolkata zin leh Pu Lalchhandama N.Serzawl a zinte dam taka an lo haw leh thuai an duh.
@ An hruaitu Pu K.Lalhruaitluanga Patea Dawrpui a miin a boralsan chu an tawrhpui hle.
@ Kum 2011 chhunga member tlawmngai ber Neuva Award dawngtur 9774569327 ah Thawhlehni ralhamin sms hmanga thlan tur a ni a, inthlan zanah puan a ni ang.
TAITESENA
@ Ni 3.1.2012(Thawhleh) zan khan Duty khar a ni a, hemi hunah hian hruaitu thahnem tak an duty a ni. Ni 4.1.2012( Nilai) zingah Duty-na hmunhma tihfel hnatlang neih nghal a ni.
@ Ni 12.1.2012 (Ninga) zan dar 6:30 hian Section OB thlanna neih tur a ni a, he hunah hian member 50 aia tlemlo kal a ngai a, member a tam thei ang ber kal tum turin an in ngen. Inthlanna hmun tur puanzar leh a ni ang.
@ Vawiin (8.1.12) chawhnu inkhawmban hian Section Committee Secretary te inah neih tur a ni a, hruaitu zawng zawngte kim taka kal theuh turin an in hriattir.
@ Duty na a thingpui lumsaktu Leader te chhungkaw chungah lawmthu an sawi.
VANAPA
@ Tv Zodinmawia s/o R. Vanlalsawma, Damdawi Ina awm mek chu dam taka alo chhuah thuai an duhsak.
@ Ni 6.1.2012(Zirtawp) zan khan section committee an nei a, Kum 2012 chhunga section hruaitu tur thlan dan tur chungchang hetiang hian an rel.
a) Inthlanna hmun :-
Pu H. Lalrawna te In
b) Inthlan hun : Ni 12.12012 (Ningani) Zan dar 6:30
c) Nomination List 1) Gordon Zosangliana 2) Hmingthansanga 3) PC Lalawmawia 4) Lalchhuanliana 5) Lalfakawma 6) H. Lalrammawia 7) H. Lalremtluanga 8) R. Lalremruata 9) R. Lalrinngheta 10) R. Laltanpuia 11) T. Lalremruata 12) PC Lalremkima 13) K. Lalhmachhuana 14) Roluahpuia 15) H. Vanlalvena 16) R. Vanlalsawma 17) Vanlalmuanpuii 18) Vanlalhriata 19) VL Thakima 20) Zairemthanga 21) Zothankima 22) Zohmingliana Tlau 23) Zoar Lalrammawii 24) Lalnunhlima 25) T. Sangkhuma
@ Inthlan zan hian Branch YMA Sport -2011-a an Champion chu an lawm dawn a, Players zawng zawngte lawman pek tur a nih avangin inthlannaa kal ngei turin an inhriattir.
@ Kum 2011-chhungin heng mite hian section committee an kal kim thei a, an lawmpui hle.
i) Tv R. Lalrinngheta
ii) Pu T. Sangkhuma
iii) Pu PC Lalawmawia
iv) Pu Roluahpuia
v) Nl Zoar Lalrammawii
@ Section YMA Duty-na atana in phal taka hmantirtu Pu C. Ramparliana te chhung leh Electric pawh tirtu Pu Laldawnghlua te chhungkaw chungah lawmthu an sawi. Tin, duty na atana ei leh in leh atul anga hman tura sum leh pai petu te chungah lawmthu an sawi bawk.
@ Dt 8th Jan 2012 (Pathianni) tlai dar 3:00 hian YMA AW semtute leh Mitthi Buhfai khawntu zawng zawngte Leader, Pu VL Thakima inah kalkhawm vek tur a ni, lawman tha tak pek an ni ang. Hruaitu zawng zawngte he hunah hian kim taka kal tur a ni, thla lak tur a ni e.
KHUANGCHERA
@ Ni 6.1.2012 khan section committee an nei a, thu pawimawh tak tak an rel a. Chawhlui buatsaihsaktu Pu Lalrinliana (section Leader) chungah lawmthu an sawi.
@ Ni 12.1.2012(Ningani) zan dar 6:30 hian YMA RUN ah section hruaitu thlan tur a ni a, member a tam thei ang ber kal turin an inhriattir. Ei leh in tuihnai tak buatsaih a ni ang.
@ Kum 2012 hruaitu tur thlanna atan nomination (mi 25) siam a ni a, floor atangin mi 3 nominate theih a ni ang.
@ Vengchhungah ui leh ar chhuah an tam leh tawh hle mai, hei hian thenawm khawvengte tan harsatna a siam tih hria a, mahni ranvulh te khuahkhirh turin an inchah.
@ Section chhunga in sa mek te’n kawngpui dala bungrua dah lo tur leh kawngpui dunga hna thawk lo turin an inhriattir.
@ Zirna leh eizawnna hna avanga veng chhuahsan tur zawng zawngte section hmingin duhsakna an hlan e.