@ Kum 2012 chhunga Neuva section member tur lak fel a ni ta a, mipa - 252, Hmeichhia - 144 A vaiin - 396 anni a, Life Member - 19 an awm bawk. Member-a la inpe lote an awm anih chuan Section secretary hnenah inpek theih a ni.
@ Chhiatni Fund khawn mek a ni a, February thla chhung hian Branch-ah submit angaih avangin chhungtin ten thahnemngai takin lo pek i tum ang u.
@Ni 8.3.2012-a Branch YMA huaihawt a Chanmari West Middle School a thisen pek turah member atam thei ang berin pe turin an inngen.
@ An Section hruaitu lo ni tawh Nl Lalhmingmawii chuan Ni 16.2.2012 khan kawppui duhawm tak a nei chu an lawmpui hle.
@ Branch YMA ngenna ngai pawimawh a Turning Point-a Motor dah tawh lote chungah lawmthu an sawi. La duh lui in awm anih chuan engpawh thleng se Branch hmalakna insawisel thei lovang.
@ Section chhungah bawlhhlawh bawm khai tura hmalak mek a ni a, bawlhhlawh bawm rawng lo hnawihtu Pu Laltanpuia te, Pu Lalngaihawma te, Pu H.Vanlalsawma leh Pu Lalremruata te chungah lawmthu an sawi.
@ Chhungtin ten mahni in leh vel vawngfai theuh turin an inngen.
CHAWNGBAWLA
@ Section Bungraw hawh chhuak tur te'n Leader emaw Secretary hnenah emaw dilna siam a Property incharge Tv. Lalfakzuala (Afaka) hnenah a hriatpuiin bungruate hawhin dah thin tur a ni, chhiatni lovah bungraw hawh tur ten zing dar 6:00 - 9:00 leh tlailamah dar 4:00 - 6:00 chhunga hawh/dah tum hram turin an inngen.
@ An hruaitu Nl. Vanlalmuani Pachuau Durtlang Hospital a zai avanga awm pawh inlamah in enkawl turin a lo chhuak ta, a dam that zel an duhsak hle.
@ Ni 8.3.2012 a Branch YMA hminga civil hospitala thisen pek turah section memberte lo inla fit turin an ngen.
@ Tun dinhmunah YMA AW man Rs. 9920.00 an thehlut tawh a, YMA Aw hi chhungkaw 202 in an la mek a ni.
@ Chhiatni fund Rs. 46575.00 an thehlut tawh a, chhungkaw 237 awm mekin, chhungkaw 124 in an pe tawh a ni.
@ Tunlaiin khua a ro leh tan ta hle a, mipuite kangmei chhuak thei lakah fimkhur turin an inchah.
@ Ni 18.2.2012 nileng khan Leader Workshop-ah kuang duan hnatlang neih a ni.
@ Ni 14.2.2012 zan khan buaina awmna thin 'Pin Point' kawng kawipuiah Vaivakawn Police-te nen 'Joint Operation' neih a ni a, hetiang hian 'duty' fo tum a ni.
TAITESENA
@ Ni 17.2.2012 (inrinni) khan a vawi khatna atan Faina hnatlang neih a ni a, member thawkchhuakte chungah lawmthu an sawi.
@ Section bungrua hawhchhuaktu te’n dim tak leh fai taka enkawl turin an inngen.
@ Section member Exam bei mekte tha taka an tih theihnan duhsakna an hlan.
@ Chhiatni Fund leh YMA AW man bial neitute’n an khawn chin apiang thehlut nghal zel turin an inhriattir.
@ Veng chhunga damlo awm zawng zawngte an dam thuai an duhsak hle.
@ Chhiatni fund-ah Rs. 30600.00 hmuh tawh a ni.
KHUANGCHERA
@ Ni 16.2.2012 (Ningani) zan khan YMA Runah section Committee meeting neih a ni a, thu pawimawh tak tak an rel.
@ Ni 23.2.2012 (Ningani) khian hruaitu hnatlang (Bungraw enfel) neih tur a ni a, hruaitute’n ngai pawimawh theuh turin an inngen.
@ Branch YMA-in Ni 8.3.2012 (Ningani) a mamawhtute tan thisen pek runpui a neih turah a pe thei tur section hruaituten an rawn zawng dawn a, Khuangchera section YMA member-te tlawmngaia pek tum theuh turin an inngen.
@ An member Nl Zomuansangi D/o Lalrinmawia’n Lunglei Bazaar Veng lama pasal tha tak a nei tur chu an lawmpui tak zet.
VANAPA
@ Chawlhni tlai dar 3:00 khan Chhiatni Buhfai khawntu leh YMA Aw semtu tura ruat tharte Treasurer Pu T.Sangkhuma (SKA) inah thingpui inho pahin infuih tharna hun hman a ni.
@ Pi Tluangi w/o Thangseia damlohna avangin damdawiin leh in lamah enkawl mek a ni.
@ YMA member lak, chhiatni Fund khawn, YMA Aw man khawn leh Census hna thawh mek a ni a, Chhungtin ten lo ngai pawimawh hram hram turin an inngen. Chhiatni Fund khawn sa ang ang Finance Secretary PC Lalawmawia hnenah Receipt nen thehluh nise.
@ Pu C.Rosangliana ten naute thar an nei.
@ An hruaitu hlui Nl R. Lalrinthangi'n Bethlehem lamah Khiangawih mai a tum chu an lawmpui rualin an ui takzet a ni.
@ March ni 8 a Branch in Thisen pek runpui a neih turah Section Memberte Thisen pek tum theuh turin an inngen a, hruaitu ten thisen pe thei turte an rawn zawng chhuak dawn.
@ February ni 28 ah Section Committe thut tum a ni.