@ Ni 1.12. 2012 (Inrinni) zan dar 8 khan Pasaltha Neuva Inah an meeting a, thu pawimawh tak rel a ni.
@ Ni 24.11. 2012 (Inrinni) khan Indoor Stadiumah nileng a infiam hun hman a ni. Hlawhtling an tiin zawng chhang tlak an ti hle, member an kal tha hle. An member Nl Jenny VL Dinpuii’n a kut a ti ulh chu pawi an ti hle, a dam leh leh thuai an duhsak hle.
@ Ni 28.11. 2012 (Nilaini) nileng khan Pasaltha Neuva Inah Corrom Board, Draft Board leh Chinese checker hmangin Group tinte inel leh a ni a. Ni 28-30 zan lamah inelna hi chhunzawm zel a ni a, Nimin 1.12. 2012 (Inrinni) chhun khan Final match khel a ni.
@ Ni 8.12. 2012 (Inrinni) khian Joint YMA Field, Vaivakawnah Football (‘Mipa’ & YMA Chhang)
Ketaminu Race (Mixed)
Relay Race (Mixed) leh
100 Mtr Race te neih leh tur a ni a, Memberte a tam thei ang ber kal theuh turin an inchah nghal a ni.
@ Tunkar zan hun remchangah Volleyball (Mipa) Indoor Stadiumah neih leh tur a ni a, memberte lo inring lawk turin an hriattir.
@ AirGun phal tak a hman tirtu Pu PC Remsiama (L) T-sec leh Pu H. Lalthanzuala N-Sec. Corrom Board hman tirtu Pu R Thanhawla T-sec leh Pu K.Lalrotluanga N-Sec. Pu Henry Lalremruatpuia N-Sec (Projector), Pu Lalchhandama, Leader (Computer). Chanmari West Sporting Club in Volleyball phal taka an hman tir avang leh Neuva Section chhunga mi Draft Board leh Chinese Checker hawh tirtu Pu K.Lalzuithanga, Pu Lalremruata Hauzel, Pu Laltanpuia leh Pu Lal-thanrumate chungah lawmthu an sawi.
@ Group tinte Point hmuh dan :-
CHHURBURA - 240 pts
TUAISIALA - 210 pts
CHEMTATRAWTA - 220 pts
THINLANGA - 130 pts
@ An hruaitu Pu HVL Zasanga, Biate lam a zin leh Nl Zothansangi te zin pawh tluang takin an lo thleng leh ta.
KHUANGCHERA SECTION
@ Ni 30.11.2012 (Friday) zingah Lunghlu Road hnatlang neih a ni a. Member thawkchhuak te chungah an lawm hle.
@ Ni 1.12.2012 zing kara Faina hnatlang Section huamchhungah neih an tum chu thulh leh a ni.
@ Ni 29.11.2012 (Thursday) zan khan Indoor Stadium-ah Section Sport hawnna ropui takin Leader, Pu Lalchhanhima'n a hawng a. Hemi zan hian Volleyball mipa leh hmeichhia khelh chhunzawm nghal a ni. Member kal zawng zawng chungah lawmthu an sawi.
@ Ni 27.11.2012 (Thawhleh) zan khan meeting an nei a. Thu pawimawh tak tak rel a ni.
@ Ni 01.12.2012 (Inrinni) Nilengin High Field-ah Football leh Items hrang hrang hmanga Sport neih a niin, a hlawhtlin theihnana member thawk chhuak zawng zawngte chungah lawmthu an sawi tak zet. Tin, Ni 4.12.2012 (Thawhleh) zan hian Sport kharna ropui taka neih tura ni a. Hemi zan hian Items hlimawm tak tak heng - Solo, Hlado, Faifuka inzaisiak, Extempore Speech leh Group Singing hmang tea, inelna neih chhunzawm tur a ni a. Lawmman semna neih nghal a ni bawk ang. Sawhchhiar tuihnai tak buatsaih tur a ni a, YMA member leh YMA chhang zawng zawng te leh Nu leh pate hemi huna tel vek tur hian an sawm.
VANAPA SECTION
@Ni 29.11.2012 a Electotal revision -ah Nl. Melody Lalhriatkimi leh Leader Pu VL. Thakima an tel
@ Tunkar Thawhleh zanah hian Nl. Vanlalmuanpuiite inah Section Committee meeting tum a ni a, memberte hunawl lo insiam tur a ni.
@Zirtawp zanah hian Vana Pa Nite hman a ni dawn a, Section memberte tel ngei ngei turin an in sawm a ni.
@Vawiin tlai Dar 3.00-ah hian leader Pu VL. Thakima inah Vana Pa Nite Organising committee member-te inhmuhkhawm tur a ni a, memberte kal kim vek tur a ni e.
@An Committee member Tv. Lalrinngheta (Mangheta) damlo pawh a dam leh thuai an duh hle.
TAITESENA SECTION
@ Ni 30.11.2012 (Zirtawpni) zan khan section committee meeting pawimawh tak an thu.
@ PICNIC chungchang :- Ni 8.12. 2012 (Inrinni) hian Park Eden picnic spot, Falkland a picnic tum a ni a, memberte a tam thei ang ber kal turin an in hriattir a, a kal turte chuan Ni 5.12.2012 (Nilaini) ral hmain hruaitute hnenah Rs. 20/- kengin hming pek tur a ni.
@ Kumin Chirsmas lo thleng turah an section chhung a in tin ten mahni in kawt theuh uar zawka chei mawi theuh turin an inngen.
@ Ni 1.12.2012 (Inrinni) nileng khan an section zunin sak mek chung slab chhun a ni.
@Tun hnaia section hnatlang an neihnaah Pu C. Lalzarliana, Pu J. Lalbiaktluanga leh Pu Lalbiakhlua ten hnatlang ei leh in tur an tum sak avangin an lawm hle.
@Kar hmasa issue a zunin sakna hmun petu hming kha tih sual palh a ni a, Pu R. Thangdailova ni lovin Pu H. Thangdailova tih zawk tur a ni a, tih sual palhah ngaihdam an dil e.
@An section zunin sakna a rod petu Pu Rodingliana Tochhawng leh a tul anga bungrua hma tirtu Pi Thanchhingi te chungah lawmthu an sawi.
@An section chhunga in sakna bungrua kawngpui dung a dah ten drain leh kawng dala dah mai lova, fel fai taka dah turin an inngen.
@Kum tawp kan lo thleng leh dawn hnai ta a, kum kalta chhunga Section hnatlang leh thil tihna hrang hranga member tlawmngaia thawkchhuak zawng zawngte chungah lawmthu an sawi mawlh mawlh.
CHAWNGBAWLA SECTION
@ Ni 28.11.2012 khan hruaitu thenkhat leh memberte chu Tlawngah Krismas a kawng dung cheina tur thingtangro lain an hnatlang a, heta kalna tur motor thawhtu Pu Lalrinchhana chungah an lawm hle. Heng thing tang cheisa hi kawngdung intinah an sem dawn a, in neituten an lo chei belh theih chuan a lawmawm hle ang.
@ Ni 12.12.2012 (Nilai) zan inkhawm banah hian Section Project closing function ropui taka hman tum a ni. Active Sound tha hman tum a nih avangin, Solo leh Beat Contest-a tel tumte kha tha taka inbuatsaih turin an ngen. Sawhchiar tui tak pirho ani ang a, Apple Band-in zaiin min awi bawk ang, Security duty tha tak siam a ni ang.
@ Inrinni khan Section-ah faina hnatlang a ni a, member leh hruaitute an hnatlang tha hle.