@Pu K. Hmingthanzauva'n thirtiang tha tak mai section tan a pek avangin an lawm hle.
@ Zan lamah Pasaltha Neuva Inah duty thin a ni a, harsatna emaw buaina a thlen chuan hriattir vat thin tur a ni.
@ Mithi lumen, Khawhar in leh thlanlaihna a kal te hi YMA member tih tur anih avangin a tam thei ang ber kal turin an in chah.
@Ni 13.8.2012 (Thawhtan) zingkar a lei paih hnatlang a chhuak zawng zawngte chungah lawmthu an sawi.
@Tlawmngaih chhuah aYMA AW semtute leh Mithi buhfai khawntute an chhuang em em a. Tun aia tan la thar leh turin an in chah.
@ Zuang tuikhur chhak a thing phun tur petu Pu H. Vanlalduata chung ah lawmthu an sawi.
@ Ni 20.8.2012 (thawhtan) zing hian Section menberte YMA Zawlbuk bula lungtla thianfai a hnatlang neih tur a ni a, member zawng zawng ten ngaipawimah ang u.
CHAWNGBAWLA
@ Section project tihlawhtlin tum mek a ni a, sum mamawhna a nasat deuh avangin section chhungah sangha zuara sum tuak tum a ni a, chhungtin lo leisaktu zawng zawng chungah lawmthu an sawi. Ni 20.8.2012 ah sangha a thlen chuan sem chhuah tum a ni ang.
@YMA Chhang bik pual tan Ni 25.8.2012 (Inrinni) Dar 10:30 hian New Horizon School-ah Drawing Competition buatsaih a ni dawn a. Age Group-ah hetiang hian then tur a ni a, Kum 6 hnuai (Duh duh ziah), kum 7-9(Entawn theih), kum 10-12 (Entawn theih), leh kum 13-14(An ziah tur thlan sak). Sarah Fashion dawr neitu Pu Laldingliana ‘CH’chuan he drawing competion hi a sponsor dawn a, a chungah lawmthu an sawi. Heta tel zawng zawngte hi pencil, nawhreh leh Colour pek vek anni ang. Lawmman late thil lem ziah hi YMA AW leh Zozam Times-ah chhuah sak an ni ang. YMA Chhang member zawng zawngte tel vek turin an sawm.
@Section chhunga Damdawi dawr neite mahni chhia leh tha hriatna hmanga Damdawi ruih theih chi (sorkar phal loh) te dan lova zuar lo turin an ngen a, hetiang zuar report a awm chuan na taka hma lak an tum tih an hriattir bawk.
@ Pi Lalrinsangi’n a nu-in a kalsan tak tuamna puan 7 chu section-ah pe a, an lawm hle.
@ Ui vulhtute, an ui vulh khawlai a chhuah lo turin an ngen nawn leh a, Ni 12.8.2012 tlai khan ui chhuak hi hruaituten an vai a,ui chhuak man tur a awm lo chu an hmalakna hlawhtlingah an ngai. Ui chhuak vai tur hian a remchangah vah chhuah leh an tum.
@ Thawhtan zan khan Pu Thangseia te ar ruk tum mi pahnih Edenthar veng leh Rangvamual a cheng te chu an man a,Vaivakawn Police Station ah dah thlak an ni.
@ Section project chu kalpui mek a ni a, heta tan hian Football, essay ziah,lem in ziahsiak (YMA chhang tan bik) leh beat contest te chu neih thuai a ni dawn a, member te lo in puahchah turin an hriattir. Tun dinhmun a House point hmuh ndan chu hetiang hi a ni.
Blue : 10 Points
Green : 8 Points
Red : 5 Points
Yellow : 3 Points
VANAPA
@ Ni 18.8.2012 (Inrinni) nileng khan Pu Thanmawia & Sons Workshop ah YMA Thutthlengsei siama hnatlang neih a ni.
@ Ni 17.8.2012 (Zirtawp) zan khan sum tuaknan Nimbu tui zuara hnatlang neih a ni a, tlawmngaia lo leisaktute chungah an lawm hle.
@ Ni 24.08.2012 ( Zirtawp) zan dar 5:35 hian Doordarshan-ah Branch hminga Section Zaipawl zai a lo chhuak dawn a, lo en theuh turin section member-te an sawm.
@ Pu C. Lalnunmawia (Pu Runa Mual) te chhungkua chuan section thutthleng siam nan Rs 5000/- YMA-ah a rawn pe a, an chhungkaw chungah section YMA chuan lawmthu an sawi.
@ Pu R. Lalnunmawia s/o R. Lalthlamuana damlo chu a dam leh thuai an duh hle.
KHUANGCHERA
@ Vawiin tlai Dar 3:00 hian O.B. meeting Leader Pu Lalchhanhima te inah neih tur a ni.
@ Lenkhawmzai zir mek chu Ni. 23.8.2012 zanah Pu Marama te inah zir leh tur a ni a, Nu leh pa leh member zawng zawng te kal vek turin an inngen.
@ Electric Department hnuaia Earth line khur laia inhlawhnaah cheng 3000/- lai an hlawh a. Inhlawhna siam saktu Electric Department chungah leh member thawkchhuak zawng zawngte chungah lawmthu an sawi tak meuh a ni.
@ Section huam chhunga ui khawlaia chhuak a tam lutuk chu an ngaimawhin Local Council-ten a ranglamin hma la thei se an ti hle.
TAITESENA
@ Ni 10.8.2012 (Zirtawp) zingkarah khan balu thiarin sumtuak hnatlang an nei a, member thawk chhuak zawng zawngte chungah lawmthu an sawi. Tin, inhlawhna siamsaktu Pu Ramtharnghaka Chanmari-te chhungkaw chungah an lawm hle.
@ Chhungtinte mahni in leh a vel vawng fai turin an inchah nawn leh a, kawngpui kam leh step bula awmte’n mahni in bul leh side drain-te tifai thin turin an inngen.
@ An Committee member Tv. Vanlalhriata ke na chu a dam leh thuai an duhsak hle.