@Ni 4.8.2012 tlai khan Pu Lalhmangaiha (Lalhma-a) damlo chu Section hminga kan a ni.
@ Ni 4.8.2012 nileng khan thuthleng siam a hnatlang a ni a, Zuang tuikhur chhakah Thing 8 (Pariat) phun nghal bawk a ni.
@ Middle School compound leh thlanmual hlui a Ruihtheih thil ti thin te kha sim vat tur a hriattir in ni a, in ti lui leh a nih chuan in hming tarlan a ni ang.
CHAWNGBAWLA
@Ni 9.8.2012 (Ninga) zan khan section committee an thu a, thu pawimawh tak tak an rel.
@ Section project tihlawhtlin tum mek a ni a, sum mamawhna a nasat deuh avangin section chhungah sangha zuara sum tuak tum a ni a, chhungtinte lo leisak turin an ngen. Ni 20.8.2012 ah sangha a thlen chuan zawrh chhuah tum a ni ang.
@ Section Committee chuan project kalpui zel dan tur hetiang hian an rel:
1) Ni 22.9.2012 (Inrinni) ah Football 2nd Leg khelh tur a ni a,
2) Ni 2.11.2012 (Zirtawp) zanah Solo leh Beat Contest neih leh tum a ni. Solo leh Beat Contest-ah hian House tin atangin duh zah zah a tel theih ang.
3) YMA Chhang bik tan Ni 25.8.2012 (Inrinni) hian Drawing Competition buatsaih a ni ang. Age Group-a then tur a ni a, YMA Chhang member zawng zawngte tel vek turin an sawm.
4) Essay Competition pawh buatsaih thuai an tum a, member-te lo inbuatsaih turin an chah.
@Section chhunga Damdawi dawr neite mahni chhia leh tha hriatna hmanga Damdawi ruih theih chi (sorkar phal loh) te dan lova zuar lo turin an ngen a, hetiang zuar report a awm chuan na taka hma lak an tum tih an hriattir bawk.
@Pu R. Thansang kalsan tak a chhungte’n section-ah Puan 12 an pe a, an lawm hle.
@ Section chhungah ui khuahkhirh loh a tam hle a, sawrkar dan dinglai behchhanin, ui khawlaia vakte hi vai an tum a. Hemi hma ngei hian ui vulhte chuan mahni ui vulhte khuahkhirh turin an hriattir.
VANAPA
@ Kumin chhunga section project YMA thutthleng 50 aia tlem lo siam leh Dekchi lian 3 neih belh tum a ni a. Hemi atan hian section nu leh pate sum leh pai thawh duh an awm chuan section hruaitute hnenah emaw Phone No. 9436197506/9436195702 ah te hriattir theih a ni e. Thutthleng pakhat hi Rs 500/- man vel a ni. Tin, Memorial Gift atan pawh thawh theih reng a ni e.
@ Inrinni Ni 18.8.2012 hian thutthleng thar siama hnatlan tur a ni a, hruaitute bakah Mistiri leh hruaitu hluite thawk chhuak turin an insawm.
@ Pu Lalhmingliana (Hmingtea) chuan fanu thar duhawm tak an nei a, an lawmpui hle.
@ Ni 9.8.2012 (Ninga) zan khan Tv Lalnunhlima (Valpuia) te inah section comittee an thu.
@ Section chhungah Ui leh Ar khawlaiah a tam leh ta hle mai a, a neitute’n mahni ran vulhte khuahkhirh theuh turin an inchah.
@ Damlo-Pi Zoramthangi (Arami) w/o Pu RK Ramherliana leh Reuben s/o Pu RL Ngilneiate chu an dam thuai an duhsak hle.
@ Ni 14. 8.2012 (Thawhleh) zanah sum tuak nan section chhungah Nimbu tui zawrh tum a ni a, hruaitute kim taka kal turin an inhriattir a, chhungtinte tlawmngaia lo leisak theuh turin an ngen.
TAITESENA
@ Ni 10.8.2012 (Zirtawp) zingkarah khan balu thiarin sumtuak hnatlang an nei a, member thawk chhuak zawng zawngte chungah lawmthu an sawi. Tin, inhlawhna siamsaktu Pu Ramtharnghaka Chanmari-te chhungkaw chungah an lawm hle.
@ Chhungtinte mahni in leh a vel vawng fai turin an inchah nawn leh a, kawngpui kam leh step bula awmte’n mahni in bul leh side drain-te tifai thin turin an inngen.
@ An Committee member Tv. Vanlalhriata ke na chu a dam leh thuai an duhsak hle.
KHUANGCHERA
@ Doordarshan Kendra (Aizawl)-ah Lengkhawm Zai record tura inbuatsaihna ngawrh taka kalpui mek zel a ni a, Karleh Ninga zan leh Zirtawp zanah hian Pu Ramfangzauva (Marama) te Inah zir leh tur a ni ang. Nu leh pa leh nula tlangval, he lama tui mite hla rawn zir belh zel turin an insawm.
@ Section Sumtuak nan lei laia inhlawh a ni a, hnatlanga chhuak zawng zawng chungah lawmthu an sawi.
@Pu Lalrinzuala’n hnatlang intur Squash a tum sak chu a chungah an lawm hle.
@ Hla zir nan In phal taka hmantirtu Pi Zohmingliani w/o K. Lalengmawia (L) chhungkawte chungah lawmthu an sawi.
@Section mawng lama Zu khawih thin khan Hruaitute chet hmaa lo tawp san turin an ngen a che.