@ Dt. 28.3.2012 zan inkhawm ban khan OB Meeting neih a ni.
@ Dt 5.4.2012 khian Blanket su a sumtuak hnatlang neih tum a ni a, member zawng zawngte hnatlang theuh turin an in hriattir a, Section huamchhunga chhungtin ten blanket suktir theuh turin an inngen.
@ YMA AW man khawn mek a ni a, Dt 15. April. 2012 ral hma a pe vek turin an inngen.
@ Sairang Road Motor Servicing Association ten a tul tul a hman atan Rs 4000 section an rawn pe chu an chungah an lawm hle.
@ Section Committee member Pu John Lalfakzuala chu khawsik avangin Grace Nursing Home ah a awm a, dam taka a rawn chhuah leh thuai an beisei.
CHAWNGBAWLA
@ Questionnaire sem chhuahte a hma lama khawn fel vat tur a ni a, memberte pawhin lo chhang theuh turin an inngen.
@ An hruaitu Pu R Lalhmingthanga tute leh Pu K Sangkhuma damlo pawh an dam leh thuai nan duhsakna an hlan.
@ An member Pu Thanglianmanga leh Pu Thangkhanmuana te chuan naute an nei thar a, an lawmpui hle.
@ YMA kumpuan hawn zana hruaitute leh member an kal chhe lutuk chu pawi an ti hle a, tan la thar deuh deuh turin an inchah.
@ Chhiatni fund leh YMA AW man khawn fel thuai turin an inngen a, la pe lote pawhin ngaih pawimawh theuh nise, khawn sa pawh pek luhna turah pe lut vat vat zel turin an beisei.
TAITESENA
@ Ni 30.3.2012 (zirtawpni) zan khan Fresher Social hlimawm tak an hmang a, member kalte chungah lawmthu an sawi. Branch OB leh Section Leader te’n an rawn hmanpui a, an lawm hle.
@ Ni 25.3.2012 khan section chhungah an duty.
@ YMA AW man leh Chhiatni Fund te April thla chhunga khawn fel turin bial neitute an inhriattir.
@ Member-te section leh Branch hmalaknaah thahnemngai leh zual turin an inchah.
@ Ni 31.3.2012 khan Fresher Social an neihna hmunhma tifaiin an hnatlang.
KHUANGCHERA
@ Vawiin tlai Dar 3:00 hian OB meeting Leader Pu Lalchhanhima te inah neih tur a ni e.
@ YMA Chanchinbu copy 27 lai an la thei chu an lawm hle.
@ 36th All India Senior Veteran Badminton Championship, Hariduar, Uttarakhand a neih zawh takah an member Pu Lalthanzuala’n (Mazuala) Mizoram aiawha Silver Medal a la thei chu an chhuangin an lawmpui takzet.
@ In luah tur neite’n Pem lehkha ngai pawimawh hram turin an inngen. Section dang atanga lo insawn turte paw’n Section Pem Lehkha rawn nei zel turin an inngen.
@ Section YMA a lo chak zawkna’n leh thawhhona a that zawk nana ngaihdan leh rawtna thlen tur neite chuan OB te hnenah a hriattir theih reng.
VANAPA
@ Tlawmngaih chhuaha Nimbu tui leh Hatkora tui an zawrh leisaktute chungah leh chhiah pek tirtute zawng zawng chungah Section-in lawmthu a sawi tak meuh a ni.
@Kumpuan hawnna a Usher tura ruat te, Solo tura ruat Nl C. Lalbiakzuali te, member kal zawng zawng te chungah Section in lawmthu a sawi a, member kal tam ber lawmman Rs 500 an dawng pawh an lawm hle a, hetihlai hian hruaitute an kal tha tawk lo erawh pawi an ti hle.
@Tv LR Bawlliana'n Police Meet- ah Boxing-ah Gold Medal a la chu an chhuang hle. Nl RK Lalthlengliani RMSA hnuaiah High School teacher hna Sunhluchhip a awm tura a hmu thar chu an lawmpui takzet.
@Hruaituten Chhiatni fund leh YMA AW man April thla ral hmain khawn fel vek tur a ni e.