Pu Sawiluaia leh Pi Nuhliri te fa pangana R. Lalhmingliana hi Ni 30.12.1954 khan Hmar Chaltlangah a lo piang a, naupang harh vang tha tak niin, mahni inah chuan tawng tam lo tak a ni thung.
Kum 1968 khan Aizawlah pemin, a rem ang ang a thawk thin a, 1977 khan ITI-ah wireman a training a, kum 1980 khan P&E ah thawk tanin a thih thlengin he hna hi a thawk a ni.
Kum 1988 khan Vanlalpeki nen an innei a, fanu pakhat leh fapa pahnih an nei. Mi hrisel tak, infiamna lam thiam leh thei tak a ni. Kum 2003 khan cancer a ni tih hriat a ni a, dam lam pan hret hret ni an hriat laiin, Ni 16.9.2013 khan chatuan ram a pan ta a ni.