Pu R. Thangdailova hi Upa Rela leh Pi Chhungteite fa naupang ber a ni a, May 2, 1936 khan Nisapui khuaah a piang a ni. May 11, 1960 khan Pi Thangkungi nen an innei a, fa 8 an nei a ni.
Rambuai vangin Aizawlah a pem a, Aizawl a luh tirh hian Agriculture Department-ah IV Grade hna a hmu a; mahse, an chhangchhiat leh a rual em avangin IV Grade hna mai chuan inchawm zo dawnin a hre lo va, a bansan leh ta zawk a ni. Tichuan Manipur leh Cachar-ah te Bawngkaiin a sumdawng ta zawk a ni.
Taima rum rut leh Pathian ring tlat mai mi a ni a, khawtlang tan pawh phak ang tawk a inhmang thin a ni a, Chanmari West VC hmasa ber kum 1987-ah pawh khan member a ni a, MUP ah pawh OB post hrang hrang a chelh tawh a ni.
Kum 2012 June khan Biak in bulah a tluin a khup kawei a sawh keh a, hritlang awmna ten tlakbuakin TB a ni tih hmuhchhuah a ni a, Ni 9.9.2013 tlai dar 3:00 khan chatuan ram a pan ta a ni.