Veng chhung mi inphalte zarah kal tur a ni a, mi dangte tana malsawmna kan nih theihna tur a nih avangin mi inphalte zarah chak taka a kal theih beisei ila.
Tun hnaia kan veng chhiat tawh chungchangah pawh khan mi inphal mi dangte tana thilpek pe thei mi zathum chuang zet kan awm a, ropui tak a ni. Khatiang avang khan kan veng kan mualpho lova, kan tanrualna lo lang a ni. Khawn pawh ni hlek lo khan cheng nuai khat dawn kan ngah thei a ni.
Tun tumah pawh hian he relief fund hi khawn a ni dawn lova, tupawh hi chhiat tawk thei kan nih avangin kan that lai ngei hian a petu kan nih ngei a pawimawh em em a ni. Kan remchan ang ang kan pek khawm hmang hian hna nasa tak kan thawk thei dawn a ni. YMA chu tanpui ngaite tanpuitu a nihna kan lantirna tur chu he fund-a kan chhun luh hian a ni.
Tun tumah hian veng chhung chhiat tawkte tana mi inpete hming kan sem tel a, mi dangte tana kan tih ve dan tur a chiang mai awm e.