Kar kalta chhungin kan Board chhungah lawmna thil a thleng a, tun tum YMA AW buatsaih pawh kan hlim tlang hle.
Kan Branch chuan hmalakna tur lian tha tak mai kan nei thar leh a, YMA Park kaltlangin kawng kan sial dawn a ni a, he kawng hi kan veng tana pawimawh em em mai a ni a, chuvang chuan veng mipui tawiawmna kan mamawh hle a ni, i tangrual ang u.
Hetih lai hian kan veng chhungah hna chi hrang hrang thawh mek zel a ni a, heng kan veng tana thawktute hian veng tan a ni tih hriain, a tha thei ang berin thawk thi se a duhawm hle. Ramlai Welfare hnathawh pawh hian duhthu a sam lo va, siamtha tur ngen an ni a, anni pawh hian an siam that ngei beisei ila, hetiang ang sum tam tham hi chu hmuh leh mai mai a harsat avangin kan hmuh chhun hi a tha thei ang berin hman ngei a duhawm hle a ni.
Kan veng YMA te zaipawl leh hnam lamah kan buai malh malh a, tunah chuan a rah kan hmu ta a, hnam lamah phei chuan lawmman pahnihna ram pumah kan ni a, a lawmawm hle a ni. Hetiang dinhmun tha kan luah theihna hi kan veng kan tanrualna vang a ni a, kan chhunzawm zel pawh a tha hle ang.
Chhiatthat thuah pawh kan memberte inpekna hi a fakawm hle a, amah-erawhchu hmasawn zel tur kan nih avangin member zawng zawngten tan la thar zel ang u.