YMA leh Sorkar Dept hrang hrang tangkawpin intihsiakna a buatsaih fo tawh thin a, a la buatsaih zel pawh a rinawm. Heng intihsiakna hrang hranga kan veng sulhnute hi a zahpuiawm loh thin khawp mai. Kar khat chhungin intihsiakna chi hrang pahnihah Mizoram deng chhuak khawpin kan hming a tha a, hei hi hruaitute inpekna leh member-te thawhrimna vang liau liau a ni. Heng kan lawmman dawnah hian kan lawm thiam tur a ni a, chutih rual chuan hmasawn zel erawh kan tum a tha awm e.
Eng intihsiaknaah pawh lawmman dawng pha tur chuan inbuatsaihna tha a pawimawh. Arm Wrestling lama player-te inbuatsaihna mumal nei thei lovin lawmman an dawng a, an chhuanawm rualin tun aia sang thleng thei an ni tih erawh a chiang, a lehpekte a awm ngai anih chuan theih tawpa inbuatsaih a fuh awm e. Hnam lama telte an inbuatsaih nasa, tha leh zung, hun an pe a, an inpekna Pathianin mal a sawm a tih loh theih loh. Hruaitute thahnemngaihna a fakawm takzet bawk. Hawh u, hmasawn zel turin theih tawp i chhuah tlang zel ang u.