Thla leh maiah YMA Zaipawl intihsiak a awm dawn, kan Branch pawhin lawmman lak phak ngei tumin tan kan la mek, mipuite hian zaipawl tan hian tangkaina kan la nei ngei ang, chutih hunah chuan theih tawp i chhuah teh ang u.
September thla mai hian Hnam Lam hmanga intihsiakna kan hmachhawn dawn bawk. Tunlai hian section hrang hrangah zir mek a ni a, YMA member, thalai awm zat atanga chhut chuan lam zir thin kan tlem hlawm hle mai. Tan kan lak deuh chu a ngai a ni.
Infiamna lamah MPL (Football) khel turin CWSC a inbuatsaih mek. Chhawm- dawl an tulna kawng a la awm ngei ang, chutih hunah chuan mi dangte tihtura dah mai lovin, veng chhung mi leh YMA member kan nih avangin tih ve tur kan nei tih i hre thar leh ang u. Tlem tlema kan thawh theuh hian hlawhtlinna rahbi min tuksak ngei dawn tih hriain kan phak tawkah i tang theuh ang u.
Tv Marina, Editorial Board-in kan lawmpuiin kan chhuang tak zet, a kal zelna turah duhsakna kan hlan bawk e.