Kan tana Lal Isua rawn inpekna ni hi nasa tak leh ropui taka kan lawm a phu a ni. Hlim takin lawm ila, A thu a kan hmuh ang hian kan thinlung erawh a lam hawn ila, he khawvel hlimhlawpna lam tel lo hian kan hmang tur a ni ang. Nun nei ve thei tawh lo tur ten NUN kan neih leh theih nan Lal Isua kan tan a rawn inpe a, chuvang chuan nun kan lo nei ta.
Krismas hi mi dangte tana inpekna ni a lo ni ta a ni. Hei vang hian keini a hnung zuitu Kristain nun dan tha ngaisangtute hian kan zui Isua angin mi dangte tan malsawmna kan nih a ngai a ni. He hunah hian mi tam tak chuan an neih rosum bawm hawngin tanpui ngaite an tanpui a, mi harsa hlim taka masi hmang ve thei lo ten an lo hman theih phah a ni.
Tun tum chu fakna lam chhuah tur kan dawng tam a, kan chhuah lo thei si lova, chhiartute hriatthiamna leh an tangkaipui kan beisei a ni.