Chutih rual chuan mit kan tlun lohna lai leh kan induhkhawp lohnate kan sawi loh chuan kan \ha famkim ta mai emaw tih a awl, sawisel tur in zawng leh hram teh ang.
Chanchinbu pakhatah chuan ti hian ziak a, “YMA hruaitu \henkhat, Khawhar in kal, Thlanlaih leh Lumen aia committee-ngai pawimawh a, kal \ha zawk an awm” tiin. Hruaitu kan nih chuan committee chu kan tihmakmawh a ni. Chumi piah lamah he pawla hruaitu kan nih chhan hi kan hriatchian a \ul hle awm e.
Tumah hi kan tlin leh phu reng vanga he chanvo chelh hi kan awm lo vang. Mahse member-te leh kan hruaitute’n keimahniah beiseina sang tak nei chungin he mawhphurhna rit tak hi min bel a ni tih i hre thar leh ang u. Hruaitu ni lo te’n a an tih peih loh hi hruaitu kan nih vang taka kan tihtur a ni fo. Kan veng chhungah hian YMA hruaitu ni si, tlawmngaihna hmun tura lang ngai vak lo kan tam sawt khawp mai, in enfiah leh deuh chu kan ngai a ni.
Hruaitu chu member-te hmaa kal tur kan ni tih hriain, member-te tana entawntlaka kan khawsak a pawimawh awm e. Thil dangah kan fel famkim kher lo vang, mahse kan telna pawlina a tum leh hmalaknaah chuan theihtawp chhuah ila, hruaitu \ha kan ni mai ang. Engpawhnise, kan thlen chin a\ang hian hma i sawn zel ang u.